Berriak - Kultur Etxeak

Irail honetan abiatuko dira Donostia Kulturako liburutegi eta kultur etxeetan helduentzako antolatzen diren literatur solasaldiak. Hilero hainbat doako saio egiten da Liburutegi Nagusia eta Aiete, Egia, Ernest Lluch (Amara), Intxaurrondo, Lugaritz (Antigua), Okendo (Gros) eta Tomasene (Altza) kultur etxeetako liburutegietan. Bete beharreko baldintza bakarra solasaldirako aukeratua izan den liburua aldez aurretik irakurtzea da.

2018-2019 ikasturtean kultur etxeetan eskainiko diren ikastaroak aurkeztu ditu Donostia Kulturak gaur goizean, uztailak 3, egindako agerraldian. Ikastaroen matrikulazioa 2018ko irailaren 11tik 25era egiteko aukera izango da edozein kultur etxetan eta zein Donostia Kulturaren webgunean.

Poltsiko Antzerkiaren alorrean euskarazko sorkuntzak bultzatzeko IX. Proiektu Deialdia jarri da martxan. Proiektuak aurkezteko epea 2018ko uztailaren 2an abiatuko da eta irailaren 27an amaituko da. Aurten bi diru-laguntza eskainiko dira: irabazleak 4.000 euro jasoko ditu; finalistak, berriz, 3.200 euro.

Albiste honetan Donostia Kulturako guneen udako ordutegiak bildu ditugu. Kontrakoa esaten ez den bitartean, ordutegi hori ekainaren 25etik irailaren 6ra izango da, biak barne.

Larrotxene Kultur Etxeak, Donostia Kulturako guneak, Bideoaldia erabili izan du urtez urte zine eta bideo ikastaroetako emaitzak jendaurrean ezagutarazteko (aurtengoa 30. edizioa da). Hainbat lan ikusteko aukera izango dugu Antzoki Zaharrean ekainaren 29an, iluntzeko 20:00etan. Sarrera doakoa izango da, baina gonbidapenak antzokiko leihatilan jaso behar dira 29an, arratsaldeko 17:00etatik aurrera.

San Joan bezpera dela eta, gaur, ekainaren 15ean, Festa Jardueretako zinegotzi ordezkariak, Alfonso Gurpegik, gure hirian ospatuko diren jarduerak aurkeztu ditu.

Hain zuzen ere, datorren larunbatean, ekainaren 23an, arratsaldeko 19:00etan Konstituzio plazan ospatuko den Agintarien Esku Dantza eta hiriko auzo desberdinetan piztuko diren San Joan suen aurkezpena egin du.

Larunbat honetan, maiatzak 5, Altzako VI. Naturaldia egingo da. 2018rako ere adin guztientzako hainbat ekitaldi antolatu dira.

Apirilaren 30ean, Gaztelekua, Erakusketa aretoa eta Areto nagusia itxi egingo dira Anoeta Estadioan (azken eguna, beraz, apirilaren 28a izango dute zerbitzu hauek). Maiatzaren 14an, kultur etxeak Estadioko egoitzan dituen gainerako zerbitzu guztiak itxi egingo dira, Haurtxokoa barne. Hona hemen gaur egungo egoera.

Gaur, apirilak 17, Liburuaren Nazioarteko Egunaren inguruan antolatutako jarduerak aurkeztu dira. Apirilaren 23an, astelehenean, Gipuzkoa plazan Liburu-denden Elkartearen Liburu Azoka egingo da egun osoan zehar, goizeko 9:30etik iluntzeko 20:00etara.

Petra Volpe suitzarrak zuzendutako El orden divino (Die göttliche Ordnung, 2017) filmak emango dio hasiera Donostiako Udalaren Giza Eskubideen Sailak eta Donostia Kulturak antolatutako Donostiako Giza Eskubideen 16. Zinemaldiari datorren apirilaren 20an, Victoria Eugenia Antzokian.

Zinemaldia apirilaren 27an amaituko da Laurent Cantet frantziarraren El taller de escritura (L'Atelier, 2017) filmarekin. Amaiera-ekitaldian, zinemagileak Zinemaldiaren sari berezia jasoko du bere ibilbideagatik.