Berriak - Kultur Etxeak

Gaur, astelehena, Donostia Kulturak LIBURUKA, irakurketa sustatzeko proiektua aurkeztu du, 2018-2019 ikasturtean gauzatzen hasi dena hiriko 22 ikastetxerekin elkarlanean.

Aurten ere, Donostia Kulturak, Tolosako Ekinbide Etxearen laguntzarekin, Abesbatzen Astearen edizio berri bat antolatu du. Oraingo honetan, eta Tolosako Abesbatzen Lehiaketa ospatzen den bitartean, bost emanaldi eskainiko dira 2018ko urriaren 28tik azaroaren 5era Donostian: Altzan, Loiolan, Grosen, Ibaetan eta Amaran.

Literaktum jaialdian antzerkia izango dugu ere, eta hala, Amor Oscuro (Sonetos) antzezlana ikusgai egongo da Lugaritz kultur etxean Viridiana konapainiaren eskutik. Horrez gain, literaturarekin loturako hainbat erakusketa izango ditugu, horien artean aipatzekoa da Paddington hartzari eskainitakoa. Aurten ere, Literaktum Txikia osatuko dute jarduera sorta eder bat prestatu dugu.

Euskarazko formatu txikiko antzerki sorkuntza eta ekoizpena bultzatzeko 2018/19ko Poltsiko Antzerki Sorkuntza izeneko programak baditu dagoeneko lehen eta bigarren sariak. Jasotako proiektuen artean, epaimahaiak lehen saria eman dio Intujai teatro taldearen Ama-Alu-Lur (Sorgin baten ametsak...)  antzezlanari. Bigarren sariak, berriz, Txinparta taldearen Zurrunbiloan lanari egokitu zaio.

Literaktum jaialdia jantzi berriz eta indarberrituta iritsiko zaigu datorren azaroaren 13tik 24ra. Lehen izenak ere konfirmatuko ditugu: Nacho Carretero, David Trueba, Laura Restrepo eta Katixa Agirre.

Donostia Kulturak eskaintzen dituen ikastaroak datorren urriaren 15ean hasiko dira kultur etxeetan. Webgunearen bidez eta irailaren 11tik 25era matrikulatu direnen artean doako hamar matrikulen zozketa bat egin dugu.

Hiritarrek ikastaro hauei emandako harrera oso ona izan ohi da: aurten 4.200 pertsona baino gehiagok parte hartuko dute kultur etxeetan, ikastaroetan. Izena eman duten horietako %60 baino gehiagok Interneten bidez egin du matrikulazioa.

Hamaika entzuteko! irrati-piezen lehiaketarekin irrati-pieza labur eta originalen ekoizpena eta hedapena bultzatzea dute helburu Casares Irratiak eta Donostia Kulturak. Lanak aurkezteko epea irekita dago, eta azaroaren 30a izango da azken eguna.

Irailaren 20an, Euskaraldian izena emateko epea irekiko da Donostiako Kultur Etxeetan. Horretarako buzoiak jarriko dira Kultur Etxe guztietan herritarren proposamenak jasotzeko.

Irailaren 11tik aurrera, Ernest Lluch Kultur Etxeko arreta zerbitzua Anoetako Estadioan egongo da, 7 eta 8 ateen artean, Topoaren eta Realaren dendaren alboan. Ikastaroetako matrikulazioa bertan egiterik egongo da, arratsaldeko 16:00etatik aurrera irailaren 11n bertan.