Sarrerak
San Sebastián, ciudad de la cultura

Berriak - Liburutegiak

Poesia Orduak 2017 aurkeztu dira

Poesia Orduak, Iker Ayestaranen kartela

Gaur, abuztuak 30, Poesia Orduak aurkeztu dira. Aurtengo saioak irailaren 4an eta 5ean izango dira Victoria Eugenia Club aretoan iluntzeko 19:30ean.

Astelehenean, hilaren 4an, Jukebox EkaHitza, ikuskizuna aurkeztuko da. Paddy Rekalde, Arkaitz Cayado Itsua eta Oier Floresen eskutik. Errezitaldi honen oinarria Rekaldek eta Durangoko Itsua musikariak Beat Salad records zigiluarekin kaleratu duten single bat da.

Paddy Rekalde (Bilbo, 1964), idazle eta poeta. 1997an argitaratutako Aizu, Paddy! ipuin-liburuarekin hasi zuen bere ibilbide literarioa. Geroztik, narrazio laburrak (Whiskey koloreko gauak, 1999), eleberriak (Rebel Mayo Colorao, 2002; Ragga-ragga dator gaua, 2006) eta poema-liburuak (Sex abaroa, 2000; Bilbo dub kronikak, 2004) idatzi ditu. Taberna-zuloetako gau giroa, sexua, drogak, rock musika, eta deserrotutako jendea dira haren lanen gai nagusiak. 2005ean The Clash: punk, rock'n'roll & reggae matxinada argitaratu zuen. 2011n poesiara itzuli zen Spray poema bildumarekin eta azken bi urtetan haurrentzako ipuinak idatzi ditu: Sagarraren misterioa (2016), Kartoizko kaja (2016), eta azkenik Eta sagarrondoa banintz? (2017).

Asteartean, hilaren 5ean, Beatriz ChivitekPekineko kea poema liburuan oinarritutako errezitaldia eskainiko du. Paula Olaz eta Javier López Jasok ekitaldirako konposatutako musikak eta Mar González Ruiz de Larramendiren bideoak girotuko dute emanaldia.

Beatriz Chivite (Iruña, 1991). Txinatar filologia eta Ekialdeko Arte Historian lizenziatua, poesia hainbat sari jaso ditu. Iruñeko Udala Poesia Saria (2012) Pekineko kea liburuarekin (2017, Pamiela), Txinan bizitutako esperientzian inspiratua. Arabako Foru Aldundiaren Ernestina Champourcin XXV. Poesia saria (2014) eta Bizkaiko Foru Aldundiaren Lauaxeta saria (2015) Metro poemategiarekin (2014). Azken hau gaztelaniaz argitaratu da Papeles Mínimos (2016) argitaletxearen eskutik. 2016an Bilboko Udalak antolatzen duen Blas de Otero Saria irabazi zuen Biennale lanarekin.

Euskara, gaztelania, ingelesa, italiera, txinera mandarina eta frantsesa menderatzen ditu. Esloveniako Mariborretik Euskal Herrira etorri berria da, Beste Hitzak / Other Words programaren idazle gonbidatua izan da bertan.

Donostia Kultura eta Euskal Idazleen Elkartea dira urtero Euskal Jaietan egin ohi diren errezitaldi hauen antolatzaileak. Sarrera doakoa izango da aretoa bete arte, eta gonbidapenak Victoria Eugenia Antzokiko leihatilan banatuko dira, emanaldien egunetan, arratsaldeko 17:00etatik aurrera.

Jarraitu irakurtzen

Eguzkitekak lehen hilabetea bete du

Eguzkiteka

Duela hilabete bat, uztailaren 7an, inauguratu zen Eguzkiteka, Kontxako hondartzako liburutegia. Kontxa pasealekuaren azpiko espazioan kokatua dago, erlojuen parean, La Rotonda diskoteka egon zen lekuan. Donostia Kulturaren liburutegi sareko zerbitzu honek hainbat ezaugarri bereizi ditu irekiera ordutegia eta zerbitzuei dagokionez.

Jarraitu irakurtzen

Zer da WikiLiburutegiak izeneko proiektua?

Idazlezainak

WikiLiburutegiak 2015eko udazkenean sortutako proiektuaren berri emateko bideo laburra prestatu dugu. Datozen egunetan prest egongo da bertsio luzeagoa.

Jarraitu irakurtzen

Liburu eta Disko Azokaren 42. edizioa uztailaren 16ra arte

Liburu eta Disko Azoka

Gaur, ekainak 30, Donostiako Liburu eta Disko Azokaren aurkezpena egin da. Azokaren gunea liburu eta disko salmentarekin uztailaren 16ra arte egongo da zabalik ordutegi honetan: 11:00-14:00 / 17:00-21:00. Ordutegia aldatzeko eskubidea Liburu Azoken Batzordearen esku gelditzen da.

Jarraitu irakurtzen

Eguzkiteka, Kontxa hondartzako liburutegia

Eguzkiteka

Gaur, ekainak 29, Eguzkiteka, Kontxako hondartzan zabalduko den liburutegiaren aurkezpena egin da. Kontxa pasealekuaren azpiko espazioan kokatua egongo da, erlojuen parean, La Rotonda diskoteka egon zen lekuan. Inaugurazioa uztailaren 7an egingo da.

Jarraitu irakurtzen

2017ko udako ordutegia Donostia Kulturako guneetan

Liburutegi Nagusia, Alderdi Eder

Albiste honetan Donostia Kulturako guneen udako ordutegiak bildu ditugu. Kontrakoa esaten ez den bitartean, ordutegi hori ekainaren 26tik irailaren 6ra izango da, biak barne.

Jarraitu irakurtzen

Poesia eta Pentsamendua: hamargarren urteurrena

Imanol Larrinaga, Poesia eta Pentsamendua 2017

Gaur, ekainak 5, Poesia eta Pentsamendua jardunaldiak aurkeztu dira. 2008an Felipe Juaristik, Juan Ramon Makusok, Pello Otxotekok eta Aritz Gorrotxategik Donostia Kulturaren babesarekin hasiera eman zioten ekimen honek, hainbat poeten parte hartzea lortu du. Aurten bi egunetako jardunaldia antolatu da, ekainaren 7an Chillida Lekun eta 12an, Victoria Eugeniako Club Aretoan.

Jarraitu irakurtzen

Liburuaren Nazioarteko Eguna: hainbat ekitaldi apirilean zehar

Jokin Mitxelena, Liburuaren Nazioarteko Eguna

Gaur, apirilak 7, Liburuaren Nazioarteko Egunaren jarduerak aurkeztu dira. Apirilaren 23an, igandea, Gipuzkoa plazan Liburu-denden Elkartearen Liburu Azoka egingo da egun osoan zehar, goizeko 9:30etik gaueko 20:00etara.

Jarraitu irakurtzen

2017ko Aste Santuko ordutegia Donostia Kulturako guneetan

San Telmo Museoa

Hona hemen Donostia Kulturako guneen ordutegia apirilaren 10etik 23ra.

Jarraitu irakurtzen

Musika, merkatuak, zientzia eta munduko festak izango dira Olatu Talkako ardatz

Olatu Talkako programazio aurrerapena aurkezteko pren

Olatu Talka jaialdian, musika, merkatuak, zientzia eta munduko festak izan dira ardatz. Aurten 160 proposamen inguru jaso dira eta merkatuetako eta kontzertuetako deialdiak ere arrakastatsuak izan dira eta, ondorioz, programazioa bereziarekin dator aurten. Hona hemen ekitaldietako batzuk.

Jarraitu irakurtzen
Berrien kanala

Harremanetarako

Kultura Komunikazioa

Tel: 943-481161

Fax: 943-481190

Kultura_komunikazioa@
donostia.eus