Berriak - Liburutegiak

Literaktum, Donostiako literatura-jaialdia, azaroaren 11tik 24ra egin da hiriko hainbat gunetan eta ekitaldietara jende asko erakarrita itxi du aurtengo edizioa, hots, segida eman dio azken urteotako gorakako bideari, 3.600 lagunek baino gehiagok hartu baitute parte proposamenetan.

Balea Zuria argitaletxeak, Donostia Kulturaren laguntzarekin, DK poesia lehiaketaren 3. edizioaren oinarriak argitaratu zituen irailean. Lehiaketaren xedea euskarazko poesia zabaldu eta idazle gazteen lanari bultzada ematea da.

Urriaren 21ean abiatu genuen Donostia Kultura Irratia (FM 107.4) eta gaurtik aurrera webgunearen aukera gehienak prest ditugu jada.

2019ko Literaktum Txikia ere beteago dator aurten ere: antzezlanak Donostiako hainbat kultur etxetan, Haurren Eskubideen egunaren ospakizuna eta zenbait lantegi euskal ilustratzaile batzuekin Aiete, Altza, Amara, Intxaurrondo eta Martuteneko haurtxokoetan. Txikientzako emanaldiak azaroaren 13an hasi eta 24an amaituko dira.

Aurten, Literaktum letren jaialdia azaroaren 11tik 24ra egingo da, sail eta proposamen berriekin eta, beti bezala, kolaborazio-sare zabalarekin. Dena den, bere hartan eusten dio asmo nagusiari, hots, literaturara beste hizkuntza eta diziplina batzuekin eta eztabaidarik gaurkoenekin batera hurbiltzea. Alde horretatik, eta jaialdiak literaturaren eta bere garaiko gizartearen arteko lokarriak arakatzeko duen borondate argiaz, Literaktum 2019 literaturaren eta feminismoaren arteko loturen isla gisa aurkezten zaie herritarrei. Binomio hori da jaialdiaren ardatz nagusia.

Euskal Herriko literaturako figura garrantzitsuenetako batekin hasiko da Literaktum jaialdiaren aurtengo edizioa: Bernardo Atxagarekin, hain zuzen ere. Idazleak Etxeak eta hilobiak aurkeztuko du azaroaren 11n, astelehena, 19:30ean Ernest Lluch Kultur Etxean. Egilearen arabera azkena izango den nobela aurkezteko Iñaki Gabarainen laguntza izango du. Gainera, aurreko asteburuan, azaroaren 8an eta 9an, Atxagak ikastaroa emango du euskara Ernest Lluch Kultur Etxean: Nola jarri zintzarria katuari.

Fantasiazko eta Beldurrezko Zinemaren Asteko Creators of Legends – HR Giger-i omenaldia erakusketa irekita egongo da urriak 26tik azaroak 10ra Udal Liburutegiko Ekitaldi Aretoan (San Jeronimo).

Fantasiazko eta Beldurrezko Zinemaren Asteko Euskadi Fantastikoa XV: Ajuar funerario – Beñat Olea / Fantasia marrazten erakusketa irekita egongo da urriak 25etik azaroak 16ra Udal Liburutegian (Alderdi Eder).

1991 urtean jaiotako Altzako Casares Irratiaren urrats berria da Donostia Kultura Irratia. Lehengo izaerari eutsiz, jauzi bat eman du hiriko eta aldirietako kulturaren leiho bihurtzeko. Inguruko kultur ekosistema zabalari begira jarriko den leihoa izango da, beti ere, kultur zaletasunaren ikuspuntutik. FM 107.4 sintonian eta, irratia.donostiakultura.eus webgunean entzun daiteke.

Martxan dira Liburu Baby Kluba eta Ipuinaren Ordua jarduerak, Donostia kulturako haur liburutegietan ohikoak diren programak. Astero eskaintzen diren doako saio hauek aukera ezin hobea dira istorioez gozatzeko eta liburuetara gerturatzeko.