Berriak - Festak

2021. urtean danborrada berri bat atera nahi duten donostiar elkarteei zuzentzen zaie deialdia. Izen-ematea maiatzaren 15tik ekainaren 15era arte izango da.

Eskaera orria eta entregatu beharreko dokumentazioaren argibide guztiak, bai Donostia/San Sebastián Festak-eko bulegoetan bai albiste honetan izango da.

Joan den maiatzaren 15ean gure Autonomia Erkidegoko hiru lurralde historikoetako hiriburuetako alkateek Gasteizko Andre Maria Zuriaren jaiak eta Bilboko eta Donostiako Aste Nagusiko jaiak bertan behera uzteko erabakia hartu zuten. Jende asko biltzen duten ekitaldiak egiteko ezintasuna eta ekitaldi horiek dakarten hurbiltasun soziala kontuan hartuta hartu zuten erabaki hori.

Donostia Kulturaren programazio birtuala, DKEtxean, amaitzera doa sei asteren ondoren, bi helburuok beteta: batetik, kultur kontsumitzaile eta parte-hartzaile ohikoari lagun egitea itxialdian; eta, bestetik, sorkuntzari eta hemengo autoreei laguntzea aldi zail honetan. Denboraldi horretan zehar, 100dik gora autorek hartu dute parte, eta 134 sorkuntza-lan eman dira (bideoak, kontakizunak, ilustrazioak edo online solasaldiak), denak ere berriak. Denak jasota eta eskuragarri Donostia Kultura On! atal berrian.

Pasa den ostiralean, maiatzaren 8an, Victoria Eugenia Antzokiko teilatutik Izarok emandako kontzertuaren bideo-laburpena eta making of-aren lotura gehitu dugu.

Osasun-deseskalatze eta herritarrak pixkana kalera irteteko prozesuaren barruan (ekainetik aurrera irekiko ditugun gure kultur zentroak, adibidez), DKEtxean egitasmoak zentzua galtzen du konfinamendurako sortutako online programa gisa. Horrek ez du esan nahi Donostia Kulturak eduki birtualak sortzeari utziko dionik. Aitzitik, parrilla erregularrik gabe, online eskaintza zabala izango du, pixkana aurrez aurre eskaintzen diren ekitaldi eta ikuskizunekin batera.

Gaurtik aurrera, Donostia Kulturak eduki horiek online eskaintzen jarraituko du Donostia Kultura ON! lan-ildopean.

Pixkanakako deskonfinamenduarekin bat eginez, datorren maiatzaren 10ean amaitutzat emango dugu #DKEtxean etapa hau. Horretarako, gure etxeetatik kontsumitzeko propio sortutako online programazioko parrilla bat sortu dugu. Kultura handiz egingo dugu, astea ikuskizun, kontakizun, ilustrazio, arte, elkarrizketa eta abarrez ondo beteta baitator.

Hauxe da aste honetako parrilla, maiatzaren 4tik 10era bitartekoa.

Ezin bestela izan: Dantzaren Nazioarteko Eguna eta Jazzaren Nazioarteko Eguna ospatuz, bi diziplinek Donostia Kulturaren programazio birtuala (#DKEtxean) markatuko dute aste honetan zehar. Eta bereziki apirilaren 29an eta 30ean egingo dute hurrenez hurren, bi ospakizunak betetzen direnean.

Hauxe da aste honetako parrilla, apirilaren 27tik maiatzaren 3ra bitartekoa.

#DKEtxean programazioaren laugarren astean, eduki kultural berriekin itzuliko gara, Donostia Kulturaren agenda birtual honetarako artistek eta tokiko sortzaileek ex profeso sortutakoak. Liburuaren Nazioarteko Egunaren ospakizunak markatuta dator astea, eta, beraz, programazio berezia izango du datorren ostegunean, apirilaren 23an, #DKEtxean agendaren eduki berrietan ere eragina izango duena.

Hauxe da apirilaren 20tik 26ra bitarteko parrilla.

Jaiegunen ondoren, hemen gatoz berriro kultur eduki gehiagoren programazioarekin. Hemengo artista eta sortzaileek espresuki sortu dituzte #DKEtxean agendarako. Hona hemen apirilaren 14tik 19ra bitarteko emankizun-zerrenda.

Nobedade nagusi bi: ilustratzaileak DK Etxean Koadernoa sailean eta Ispilu Beltza magazin berria Donostia Kultura Irratian.

Aste Nagusia 2020ren harira (abuztuak 8-15, biak barne), Donostia / San Sebastián Festak-ek IV. Zurriola Street Food antolatuko du. Ferian parte hartzeko eskaria egin dezakete kalean elikagaiak egin, saldu eta/edo sustatzen dituzten pertsona fisikoek zein juridikoek, food truck delakoak erabiltzen badituzte horretarako.

Eskaria aintzat hartua izan dadin, parte-hartze formularioa eta Deialdiko 2. puntuan aipatzen duen dokumentazioa aurkeztu beharko dira, halabeharrez, 2020ko apirilaren 24ko 13:30ak baino lehen.

Duela astebete, Donostia Kulturak kultur eduki berriak sartu zituen bere programazioan, hemengo artista eta sortzaileek espresuki #DKEtxean agendarako sortuak. Lerro hauetan aste honetako programazioaren berri.