Berriak - Kultur Etxeak

Cristina-Enea parkea musikaz beteko da berriz ere Glad Is The Day jaialdiaren bosgarren urtean. Musika maratoi honetan 16 banda eta artista baino gehiagok hartuko du parte. Igandean zehar, eta doako sarrera medio, 8 talde izango dira entzungai oholtza nagusian eta 8 DJ, Ruina Sónica zonaldean. Honetaz gain, eguerdiko 12:00etatik arratsaldeko 21:00ak arte azoka txiki bat, haurrentzako jarduerak eta edari nahiz janari postuak egongo dira. Gau partean DJ gehiago izango dira musika onena aukeratzen, Le Bukowski eta Dabadaban asteburua luzatu nahi dutenentzat.

Okendo KE / urriak 26 – abenduak 14

Komisarioa: Antonio Busquets (Flash-Back Producciones)

Erakusketa hau, dudarik gabe, Paul Naschyk (Jacinto Molina Álvarez, 1934-2009) bere bizitzan eta lanbidean izan zuen ibilbideari inoiz egin zaion aitortza zabalena eta osatuena da. Bere familiak erakutsitako konfiantzari esker ‒haren alargun Elvira Primavera eta Sergio eta Bruno semeak‒ omenduaren artxibo pertsonala lagako da erakusketarako. Hala, aurretik inoiz ikusgai egon ez diren materialak ikusi ahal izango dira, haren scrapbook zoragarriak eta idazmahaia, besteak beste.

Donostikluba Festibala 14. ediziora iritsi da eta duela bi urte erreferentziako jaialdi urbano bihurtzeko hasitako bidean darrai, garaiekin aldatzen doazen musika-hizkuntza berriak hartzeko prest. Urriaren 3tik 5era, Gaztea gaua eta bi Trap gau Intxaurrondo Kultur Etxean.

2019-2020: ikastaro eskaintzaDonostia Kulturak 2019-2020 ikasturterako duen prestakuntza-eskaintza aurkezten du honen bidez. 642 ikastaro (562 helduentzat eta 80 haur eta gazteentzat) izango dira guztira, Donostiako kultur etxeetan eta Liburutegi Nagusian emango direnak.

Poltsiko Antzerkiaren alorrean euskarazko sorkuntzak bultzatzeko X. proiektu deialdia jarri da martxan. Proiektuak aurkezteko epea 2019ko uztailaren 1an abiatu eta irailaren 26an amaituko da. Bi diru-laguntza emango dira: irabazleak 4.000 euro jasoko ditu; finalistak, berriz, 3.200 euro.

Larrotxene Kultur Etxeak, Donostia Kulturako guneak, Bideoaldia erabili izan du urtez urte zine eta bideo ikastaroetako emaitzak jendaurrean ezagutarazteko (aurtengoa 31. edizioa da). Hainbat lan ikusteko aukera izango dugu Victoria Eugenian ekainaren 27an, iluntzeko 20:00etan. Sarrera doakoa izango da, baina gonbidapenak antzokiko leihatilan (11.30-13:30 / 17:00-20:00) jasotzeko aukera dago ekainaren 20tik. Pertsona bakoitzeko gehienez 8 gonbidapen ahalko dira eskuratu.

Albiste honetan Donostia Kulturako guneen udako ordutegiak bildu ditugu. Kontrakoa esaten ez den bitartean, ordutegi hori ekainaren 24tik irailaren 8ra izango da, biak barne.

San Joan bezpera dela eta, gaur, ekainaren 20an, Jon Insausti zinegotziak, gure hirian ospatuko diren jarduerak aurkeztu ditu.

Hain zuzen ere, datorren igandean, ekainaren 23an, eguerdiko 12:15ean eta arratsaldeko 19:00etan Konstituzio plazan ospatuko diren zuhaitzaren ezarpena eta Agintarien Esku Dantza aurkeztu ditu; era berean, gure hiriko auzo desberdinetan piztuko diren San Joan suen aurkezpena egin du.

Kultur etxe, liburutegi, San Telmo Museo, antzoki eta Zinema, Arte Eszeniko, Musika, Festak, Komunikazioa zein Administrazioko unitate teknikoetan dauden lanpostuak dira.

55 urtetik gorako pertsonei zuzendutako ipuin laburren Aztarnak III. lehiaketa aurkeztuko da maiatzaren 16an, 19:30ean, Astoria 7 Hotelean egingo den irakurraldi batekin. Aurreko edizioetako hainbat parte-hartzailek beren kontakizunen zatiak irakurriko dituzte Jon Makuso biolinistaren zuzeneko musikaz lagunduta.