Sarrerak
San Sebastián, ciudad de la cultura

Berriak - Liburutegiak

Zerbitzu gehiago martxan Donostiako kultur etxe eta liburutegietan

Ernes Lluch Kultur Etxeko liburutegia

Osasun-deseskalatze prozesuaren baitan, Donostia Kultura zerbitzuak zabaltzen ari da pixkana-pixkana. Ekainaren 11n hainbat haurtxoko eta gazteleku ireki zituen Donostia Gazteriak, tartean gurean integratuta dauden batzuk. Ekainaren 15etik aurrera, liburutegietan Interneten nabigatzeko aukera egongo da eta Ernest Lluch Kultur Etxeko zein Liburutegi Nagusiko KZgunea abiatuko dira berriro. Musikagela zerbitzua ere jarriko da martxan.

Jarraitu irakurtzen

Uztailean bueltatuko da Ipuinaren Ordua

Ipuinaren Ordua

Atzo, maiatzak 31, amaiera eman genion bolada batez azken bi hilabetetan egunero gure plataformetan izan dugun Ipuinaren Ordua jarduera digitalari. Ekainean zehar ez da izango emanaldirik, baina uztailean bueltan izango da.

Jarraitu irakurtzen

2020ko udako ordutegia Donostia Kulturako guneetan

Liburutegi Nagusia, Alderdi Eder

Ekainaren hasieratik hainbat zerbitzu modu presentzialean zabalduko ditugu: sareko 11 liburutegi, San Telmo Museoa eta antzokietako leihatilak. Albiste honetan Donostia Kulturako gune horien udako ordutegiak bildu ditugu. Kontrakoa esaten ez den bitartean, ordutegi hori ekainaren 1etik irailaren 6ra izango da, biak barne.

Jarraitu irakurtzen

Donostiako liburutegien irekiera dokumentuen mailegua eta itzulketa egiteko

Liburutegien irekiera ekainaren 1ean

Osasun-deseskalatze prozesuaren baitan, datorren ekainaren 1ean Donostia Kulturako 11 liburutegi berriro zabalduko dira hiri erdigunean eta auzoetan zerbitzua eman ahal izateko. Hauek dira berriro irekiko direnak: Alderdi Ederreko Liburutegi Nagusia, Fermin Calbeton-eko Haur Liburutegia zein Aiete, Casares-Tomasene, Egia, Ernest Lluch, Intxaurrondo, Larratxo, Larrotxene, Loiola eta Lugaritz kultur etxekoak). Okendo Kultur Etxea itxita egongo da aire girotuko sisteman egokitze lanak egingo baitira ekaina eta uztailean zehar. Udako ordutegien berri albiste honetan.

Jarraitu irakurtzen

#DKEtxean: itxialdirako kultur programazio baten txostena

Izaro Andrés. Argazkilaria: Sara Santos

Donostia Kulturaren programazio birtuala, DKEtxean, amaitzera doa sei asteren ondoren, bi helburuok beteta: batetik, kultur kontsumitzaile eta parte-hartzaile ohikoari lagun egitea itxialdian; eta, bestetik, sorkuntzari eta hemengo autoreei laguntzea aldi zail honetan. Denboraldi horretan zehar, 100dik gora autorek hartu dute parte, eta 134 sorkuntza-lan eman dira (bideoak, kontakizunak, ilustrazioak edo online solasaldiak), denak ere berriak. Denak jasota eta eskuragarri Donostia Kultura On! atal berrian.

Pasa den ostiralean, maiatzaren 8an, Victoria Eugenia Antzokiko teilatutik Izarok emandako kontzertuaren bideo-laburpena eta making of-aren lotura gehitu dugu.

Jarraitu irakurtzen

Donostia Kultura ON: maiatzaren 11tik 17ra bitarteko edukiak

Ainara Azpiazu

Osasun-deseskalatze eta herritarrak pixkana kalera irteteko prozesuaren barruan (ekainetik aurrera irekiko ditugun gure kultur zentroak, adibidez), DKEtxean egitasmoak zentzua galtzen du konfinamendurako sortutako online programa gisa. Horrek ez du esan nahi Donostia Kulturak eduki birtualak sortzeari utziko dionik. Aitzitik, parrilla erregularrik gabe, online eskaintza zabala izango du, pixkana aurrez aurre eskaintzen diren ekitaldi eta ikuskizunekin batera.

Gaurtik aurrera, Donostia Kulturak eduki horiek online eskaintzen jarraituko du Donostia Kultura ON! lan-ildopean.

Jarraitu irakurtzen

Europe At Home proiektuarekin bat egin du Donostiak

Europe at Home: idazleak

Europako beste hamahiru hirirekin batera, Donostiak Europe At Home egitasmoarekin bat egin du. Etxean egotea dagokigun egoera zail hauetan, inoiz baino beharrezkoago sentitzen dugu elkarren berri izan eta gure sentimenduak eta esperientziak partekatzea, Europako ekialdetik mendebaldera, iparraldetik hegoaldera, elkartasunaren ahotsa ozen aldarrikatu behar dugu. Bat batean sortu zaigun eszenategiak ekimen bateratuak eskatzen ditu, horixe hain zuzen egitasmo honek dakarren mezua. Juan Kruz Igerabideren hitza eta Marcelo Utreras argazkilariaren irudiaz baliatuz Donostia mundura zabaldu zaigu.

Jarraitu irakurtzen

#DKEtxean agenda: maiatzaren 4tik 10era bitarteko edukiak

#DKEtxean

Pixkanakako deskonfinamenduarekin bat eginez, datorren maiatzaren 10ean amaitutzat emango dugu #DKEtxean etapa hau. Horretarako, gure etxeetatik kontsumitzeko propio sortutako online programazioko parrilla bat sortu dugu. Kultura handiz egingo dugu, astea ikuskizun, kontakizun, ilustrazio, arte, elkarrizketa eta abarrez ondo beteta baitator.

Hauxe da aste honetako parrilla, maiatzaren 4tik 10era bitartekoa.

Jarraitu irakurtzen

Programazio berezia Dantzaren Nazioarteko Eguna ospatzeko

Dantza Eguna

Bihar, apirilak 29, asteazkena, Dantzaren Nazioarteko Eguna da eta Donostia Kulturak programazio berezia prestatu du ospatzeko.

Jarraitu irakurtzen

#DKEtxean agenda: maiatzaren 3ra bitarteko edukiak

#DKEtxean

Ezin bestela izan: Dantzaren Nazioarteko Eguna eta Jazzaren Nazioarteko Eguna ospatuz, bi diziplinek Donostia Kulturaren programazio birtuala (#DKEtxean) markatuko dute aste honetan zehar. Eta bereziki apirilaren 29an eta 30ean egingo dute hurrenez hurren, bi ospakizunak betetzen direnean.

Hauxe da aste honetako parrilla, apirilaren 27tik maiatzaren 3ra bitartekoa.

Jarraitu irakurtzen