Berriak - Liburutegiak

Gaur, abuztuak 10, berriro zabalduko ditu ateak Okendo Kultur Etxeak. Groseko Ramuntxo Berri tabernako COVID agerraldiari aurre egiteko probak amaitu zituen Osakidetzak atzo goizean eta, garbiketa bereziak egin ondoren, goizeko 10:00etan zabalduko da kultur etxea.

Kontuan hartu abuztuan modu presentzialean zabalduko den zerbitzu bakarra liburutegia izango dela.

Groseko COVID agerraldia dela eta, Osakidetzak PCR probak egingo ditu datozen egunetan Okendo Kultur Etxean. Gauzak horrela, kultur etxea itxita egongo da ohiko kultur erabilpenetarako gaurtik aurrera (abuztuak 7). Oraindik ezin dugu zehaztu noiz zabalduko ditugun berriro ohiko zerbitzuak. Horren berri dakigunean jakitera emango dugu ohiko gure kanalen bidez.

Abuztuaren 10eko eguneratzea: gaur goizean zabaldu ditu ateak Okendok.

Donostiako Udalak, Donostia Lagunkoiaren eta Osasuna Sustatzeko Udal Zerbitzuaren bitartez, 2020Postalak proiektua jarri du martxan, pandemia garaietako emozioetatik abiatutako postalak. Tabakalerarekin, Emausekin eta Gipuzkoako Itxaropenaren telefonoarekin batera egiten da ekimen hau. Parte hartzeko epea irailaren 15ean amaituko da.

AEBetako liburuzain batek sortutako Hogwarts-eko ihesgela digitala (Harry Potter-en unibertsoan murgiltzeko escape room) eta Suzanne Collins-en Gose jokoak jolasa euskaratu ditu Egia Kultur Etxeko liburutegiak.

Donostia Kulturak 2020-2021 ikasturterako duen prestakuntza-eskaintza aurkeztu du gaur goizean. 356 ikastaro (333 helduentzat eta 23 haur eta gazteentzat) izango dira guztira, Donostiako kultur etxeetan eta Liburutegi Nagusian emango direnak.

Ikastaroen matrikulazioa 2020ko irailaren 14an (arratsaldeko 16:00etan) hasiko da eta hilaren 27an bukatuko da. Edozein kultur etxetan eta Donostia Kulturaren webgunean egin izan ahalko da.

Abuztuaren 3an berriro zabalduko ditu ateak Okendo Kultur Etxeak. Eraikina itxita egon da ekainean eta uztailean zehar aire girotuko sisteman egin beharreko egokitze lanak zirela eta. Kontuan hartu abuztuan modu presentzialean zabalduko den zerbitzu bakarra liburutegia izango dela.

Gaur, uztailak 9, idazle gazteei zuzendutako Donostia Kultura III. Poesia Lehiaketako obra garailea aurkeztu da. Hain zuzen ere, Lizar Begoña idazlearen Aro beilegia.

Gaur, uztailak 8, aurkeztu dugu abuztuko eta iraileko programazioa. Sarrerak salgai daude jada gure online kanalean (Donostia Kultura sarrerak: antzerkia) eta Victoria Eugeniako txarteldegian (11:30-13:30 / 17:00-20:00). Antzoki Zaharreko leihatila uztailaren 27an zabalduko da, aipatu ordutegian.

Gaur, uztailak 3, Donostiako Liburu Azokaren aurkezpena egin da. Azokaren gunea liburu eta disko salmentarekin gaur bertan hasi da Gipuzkoa plazan eta zabalik egongo da uztailaren 12a arte. Azokaren ordutegia: goizez 11:00-13:30 eta arratsaldez: 16:30-20:00. Ordutegia aldatzeko eskumena du Liburu Azoken Batzordeak.

Donostia Kulturak uda honetan haurrei eta familiei zuzendutako jarduera berri bat sortu du. Irakurzaletasuna bultzatzeko xedearekin, astelehenetik ostiralera goizeko 10:00etan Ipuinaren Ordua euskaraz modu birtualean eskainiko da. Lur Kortak gidatzen duen taldeak egitarau erakargarri bat prestatu du eta Donostiako ondare historiko artistikoa ezagutarazi nahian grabazioak hainbat toki esanguratsutan egin dira. Saioak Donostia Kulturak Youtube-n duen kanaletik emitituko dira eta ipuinekin batera jolasak eta sariak antolatuko dira parte hartzaileentzat. Ostiraletako kontaketak zeinu hizkuntzan izango dira.