Berriak - Literatura

Gaur, martxoak 21, Poesiaren Munduko Eguna dela aprobetxatuz, idazle gazteei zuzendutako I. Donostia Kultura Poesia Lehiaketaren saria emango zaio Estibaliz Martinez de Cerio poeta gazteari Poesialdia barruan. Ekitaldia arratsaldeko 19:30ean izango da, Konstituzio plazako Udal Liburutegi Nagusiko bigarren solairuan, Mandasko Dukearen aretoan.

Poesialdia Donostia Kulturak sortutako programa bat da Poesiaren Nazioarteko Eguna ospatzeko. Martxoaren 19tik 26ra egingo da gune hauetan: Aiete, Ernest Lluch eta Intxaurrondo kultur etxeak, Liburutegi Nagusia, Victoria Eugenia Club eta Kaxilda liburudendan. UPV/EHU ere atxiki zaio Poesiaren Aste honi, Pentsatu! Jaialdiaren eta Filosofia, Zientzia eta Balioen Masterraren bidez.

Donostia Kulturako emakume langileek, nagusiki, bat egiten dute gaurko, martxoaren 8ko, deialdiekin eta, beraz, horrek eragina izango du erakundearen irekiera orduetan zein kultur zerbitzuen eskaintzan.

Joan den hilabetean Okendo Kultur Etxean gertatu zen sutearen ondoren, hainbat zerbitzu itxi egin behar izan ziren. Garbiketa lanak aurrera egin ahala zerbitzuak irekitzen joan dira, eta gaur, martxoak 5, kultur etxeko zerbitzu guztiak zabalduko dira eta ohiko funtzionamendua izango dute.

Donostia Kulturak martxan jarri du irabazi asmorik gabeko elkarteentzako dirulaguntzen deialdia. Eskaerak aurkezteko epea 2018ko martxoaren 27an amaituko da.  Bertan Donostiako udalerrian kultur egitasmo edo jarduerak antolatzen dituztenek parte har dezakete.

Anoeta Estadioaren birmoldaketa lanak direla eta, Ernest Lluch Kultur Etxeko Liburutegia eta Amarako KZgunea itxita egongo dira martxoaren 1etik aurrera.

Korner, Kultura & Futbol Festibalaren lehen edizio honetan 2.500 lagunetik gora gerturatu dira ekitaldietara. 20 gonbidatu inguru izan ditugu jaialdian, horien artean, Xabi Alonso, Ray Loriga, Bernardo Atxaga, Anari, Jorge Valdano, Carlos Zanón, Ander Izagirre eta John Benjamin Toshack.

Korner, Kultura & Futbol Festibalaren hasiera ekitaldian, omenaldia egin zaio Sanseko jokalari izandako Joan Mari Irigoien idazleari. Gainera, bertan eman da ezagutzera Irigoienek 1000 liburutik gorako dohaintza egin diola Donostia Kulturaren Udal Liburutegi Sareari.

Gaur, otsailak 13, Donostia Kulturak 2017. urtearen memoria aurkeztu du, eta erakundearen ordezkariek azpimarratu dute iaz datu bikainak izan zituela eta Kultur Hiriburutzak utzitako ondareari segida eman zitzaiola.

Donostia Kulturako bigarren lau hileko ikastaroetan izena emateko aukera zabalik dago oraindik. Urtarrilaren 19ra arte, kultur etxeetan edo internet bidez egin daiteke. Ikastaroak 2018ko otsailetik maiatzera bitartekoak dira.