Berriak - Literatura

Irail honetan abiatuko dira Donostia Kulturako liburutegi eta kultur etxeetan helduentzako antolatzen diren literatur solasaldiak. Hilero hainbat doako saio egiten da Liburutegi Nagusia eta Aiete, Egia, Ernest Lluch (Amara), Intxaurrondo, Lugaritz (Antigua), Okendo (Gros) eta Tomasene (Altza) kultur etxeetako liburutegietan. Bete beharreko baldintza bakarra solasaldirako aukeratua izan den liburua aldez aurretik irakurtzea da.

2018-2019 ikasturtean kultur etxeetan eskainiko diren ikastaroak aurkeztu ditu Donostia Kulturak gaur goizean, uztailak 3, egindako agerraldian. Ikastaroen matrikulazioa 2018ko irailaren 11tik 25era egiteko aukera izango da edozein kultur etxetan eta zein Donostia Kulturaren webgunean.

Gaur, ekainak 29, Donostiako Liburu eta Disko Azokaren aurkezpena egin da. Azokaren gunea liburu eta disko salmentarekin uztailaren 15era arte egongo da zabalik goizez (11:00-14:00) eta arratsaldez (17:00-21:00) Gipuzkoa plazan. Ordutegia aldatzeko eskubidea Liburu Azoken Batzordeak du.

Albiste honetan Donostia Kulturako guneen udako ordutegiak bildu ditugu. Kontrakoa esaten ez den bitartean, ordutegi hori ekainaren 25etik irailaren 6ra izango da, biak barne.

Donostia Kultura eta Balea Zuria argitaletxeak elkarlanean egile gazteei zuzendutako DK Poesia Lehiaketa antolatu zuten 2017an. Lehen lehiaketara 35 urte bete gabe zituzten gazteek idatzitako 18 poemategi aurkeztu ziren, euskaraz eta bakarka idatziak, deialdiaren oinarrietan jasotzen zen bezala. Guztien artean irabazlea Estibaliz Martinez Diaz de Cerio izan zen Azalberritze bat poemategiarekin. Gaur, ekainak 18, aurkeztu da poema irabazleen argitalpena.

Udako hilabeteetan Donostia Kulturako liburutegiek zerbitzu berriak eskaintzen dituzte. Atzo, ekainak 15, Eguzkiteka, Kontxa hondartzako liburutegia zabaldu zen eta uztailaren 1ean, berriz, Urgulleko liburutegia. Bestalde, Intxaurrondo Kultur Etxeko liburutegia zabalik egongo da abuztuan zehar astelehenetik ostiralera goizeko ordutegian. Aurten Donostia Kulturak Moyua enpresaren dirulaguntza jaso du udako liburutegien eskaintza hobetzeko eta orohar liburutegietan irakurketa sustatzeko.

Gaur, apirilak 17, Liburuaren Nazioarteko Egunaren inguruan antolatutako jarduerak aurkeztu dira. Apirilaren 23an, astelehenean, Gipuzkoa plazan Liburu-denden Elkartearen Liburu Azoka egingo da egun osoan zehar, goizeko 9:30etik iluntzeko 20:00etara.

Bihartik aurrera, apirilak 11, Ernest Lluch Kultur Etxeak Apirilean, literatura programaren laugarren zikloa antolatu du. Liburu aurkezpenak, antzezlanak, hitzaldiak, ipuin kontalariak eta solasaldiak egongo dira, literatura erabateko protagonista bihurtzeko Liburuaren Nazioarteko Eguna ospatzen den hilabetean.

Irabazi asmorik gabeko elkarteentzako dirulaguntzen deialdian eskaerak aurkezteko epea 2018ko martxoaren 27an amaitzen zen, baina martxoaren 27an egin den Tokiko Udal Gobernu Batzordeak akordio hau hartu du:  2018 urteko irabazirik gabeko entitateentzako diru laguntzen deialdiaren barneko eskaerak aurkezteko epea apirilaren 20a arte luzatzea.

Hona hemen Donostia Kulturako guneen ordutegia martxoaren 26tik apirilaren 8ra.