Sarrerak
San Sebastián, ciudad de la cultura

Berriak - Erakusketak

"Creators of Legends – HR Gigerri omenaldia" erakusketa Beldurrezko Astean

Mundo Alien

Udal Liburutegiko Ekitaldi Aretoa (San Jeronimo) / urriak 26 – azaroak 10

Komisarioak: Carlos Arenas eta César Oropeza

HR Giger artista suitzarrak goitik behera aldatu zuen bere diseinuekin zientzia fikzioaren eta beldurrezko zinemaren looka, Alien (1979) pelikulan izan zuen kolaborazioan. Gainera, Donostiako Kubo-Kutxa aretoak 2009an eskaini zion atzera begirako handi hartan ikusi ahal izan zenez, Alien baino askoz ere zabalagoa da bere lana, arlo desberdinak biltzen baititu: pintura, eskultura, marrazkia, eta altzarien eta arkitekturen diseinua. Gigerrek sormenezko unibertso ikusgarri bat garatu zuen, munstro biomekanikoez, jainkosa satanikoez eta paisaia gotikoez jositako imajinario baten bitartez, eta zalantzarik gabe izugarrizko eragina izan dute latitude guztietako artista berrien artean.

Jarraitu irakurtzen

"Paul Naschy – Autobiografia bat iruditan" erakusketa Beldurrezko Astean

La venganza de la momia

Okendo KE / urriak 26 – abenduak 14

Komisarioa: Antonio Busquets (Flash-Back Producciones)

Erakusketa hau, dudarik gabe, Paul Naschyk (Jacinto Molina Álvarez, 1934-2009) bere bizitzan eta lanbidean izan zuen ibilbideari inoiz egin zaion aitortza zabalena eta osatuena da. Bere familiak erakutsitako konfiantzari esker ‒haren alargun Elvira Primavera eta Sergio eta Bruno semeak‒ omenduaren artxibo pertsonala lagako da erakusketarako. Hala, aurretik inoiz ikusgai egon ez diren materialak ikusi ahal izango dira, haren scrapbook zoragarriak eta idazmahaia, besteak beste.

Jarraitu irakurtzen

Gure_RBTK San Telmo Museora iritsi da, euskal enpresa eta erakundeen robotikari buruzko erakusketa

Gaur aurkeztu da museoan Gure_RBTK erakusketa, Hello, Robot erakusketaren harira antolatutakoa. Uztailaren 12tik irailaren 29ra ikusi ahal izango dira San Telmo Museoaren lehen solairuan, industrializazioari eskainitako atalean.

Jarraitu irakurtzen

Musika Hamabostaldiaren 80. urteurrena ospatzeko erakusketa, San Telmo Museoan

Donostiako soinua. 80. Musika Hamabostaldia erakusketa aurkeztu dute gaur, uztailak 10, San Telmo Museoak eta Donostiako Musika Hamabostaldiak jaialdiaren urteurren biribila ospatzeko. Erakusketa uztailaren 11tik irailaren 1era arte egongo da ikusgai museoko Laborategian, doako sarrerarekin.

Jarraitu irakurtzen

Larunbat honetan, uztailak 13, "Hello, Robot" erakusketaren inguruko San Telmo Gaua izango da

San Telmo Museoaren udako eskaintzan ohiko hitzordua bilakatu dira San Telmo Gauak, museoaz eta erakusketez beste era batera gozatzeko aukera. Hain zuzen ere, larunbat honetan, uztailak 13, uda honetako lehena izango da, Hello, Robot. Diseinua gizakiaren eta makinaren artean erakusketaren inguruan antolatutakoa. 20:30etik 24:00etara, erakusketa, eta museoko eliza eta klaustroa irekita egongo dira eta taberna zerbitzuarekin. Sarrera doakoa izango da edukiera bete arte.

Jarraitu irakurtzen

Uztailaren 1ean hasiko da udako programazioa Urgulleko hiru zentroetan

Uztailaren 1etik abuztuaren 31ra, Urgull mendiak aisialdi eta kultura programazioa eskainiko du, jarduerekin eta Donostiari begira erakusketarekin. Mendiko hiru zentroak (Liburutegia, Natur Txokoa eta Historiaren Etxea) egunero egongo dira zabalik, eta astelehenetik ostiralera haurrentzako jarduerak eskainiko dituzte.

Jarraitu irakurtzen

Robotikak gure eguneroko bizitzan duen pisua aztertuko du "Hello, Robot" erakusketak udan San Telmo Museoan

2019ko ekainaren 22tik irailaren 29ra, San Telmo Museoak Hello, Robot. Diseinua gizakiaren eta makinaren artean erakusketa eskainiko du, lehen aldiz robotikaren egungo booma xeheki aztertuko duena. Erakusketa hau Vitra Design Museum, Mak Vienna eta Desing Museum Gent museoena da. San Telmo Museoan, Kutxa Fundazioa da babesle berezia.

Jarraitu irakurtzen

2019ko udako ordutegia Donostia Kulturako guneetan

Liburutegi Nagusia, Alderdi Eder

Albiste honetan Donostia Kulturako guneen udako ordutegiak bildu ditugu. Kontrakoa esaten ez den bitartean, ordutegi hori ekainaren 24tik irailaren 8ra izango da, biak barne.

Jarraitu irakurtzen

HAU diseinu lehiaketan parte hartu duten lan nabarmenenak, San Telmon ikusgai

Abuztuaren 31ra arte San Telmo Museoko gastro-kultura gunean (harreraren eta kafetegiaren artean) egongo dira ikusgai, HAU, Euskal Herriko objektu tradizionalen lehiaketaren hirugarren edizioko lan nabarmenenak. Tartean, ZURA proiektu irabazlea.

Jarraitu irakurtzen

Ibon Aranberrik "Itzal marra" interbentzioa aurkeztu du Museo Bikoitza proiektuko lehen edizioan

Ibon Aranberrik, Museo Bikoitza proiektuaren lehen edizioan aritu den artistak, bere lanaren emaitza aurkeztu du San Telmo Museoan: Itzal marra. Obra gaurtik, ekainak 11, aurrera egongo da ikusgai museoan.

Jarraitu irakurtzen