Berriak - Musika

COVID-19aren krisiak eraginda, martxoaren 14an Victoria Eugenia Antzokian bertan behera geratu zen tindersticks taldearen kontzertua azaroaren 24an egingo da. Beren sarrera mantentzeko aukera emango zaie martxoaren 14rako sarrera erosi zutenei. Sarrera itzuli nahi dutenek ekainaren 30era arte egin ahal izango dute.

Donostia Kulturaren programazio birtuala, DKEtxean, amaitzera doa sei asteren ondoren, bi helburuok beteta: batetik, kultur kontsumitzaile eta parte-hartzaile ohikoari lagun egitea itxialdian; eta, bestetik, sorkuntzari eta hemengo autoreei laguntzea aldi zail honetan. Denboraldi horretan zehar, 100dik gora autorek hartu dute parte, eta 134 sorkuntza-lan eman dira (bideoak, kontakizunak, ilustrazioak edo online solasaldiak), denak ere berriak. Denak jasota eta eskuragarri Donostia Kultura On! atal berrian.

Pasa den ostiralean, maiatzaren 8an, Victoria Eugenia Antzokiko teilatutik Izarok emandako kontzertuaren bideo-laburpena eta making of-aren lotura gehitu dugu.

Osasun-deseskalatze eta herritarrak pixkana kalera irteteko prozesuaren barruan (ekainetik aurrera irekiko ditugun gure kultur zentroak, adibidez), DKEtxean egitasmoak zentzua galtzen du konfinamendurako sortutako online programa gisa. Horrek ez du esan nahi Donostia Kulturak eduki birtualak sortzeari utziko dionik. Aitzitik, parrilla erregularrik gabe, online eskaintza zabala izango du, pixkana aurrez aurre eskaintzen diren ekitaldi eta ikuskizunekin batera.

Gaurtik aurrera, Donostia Kulturak eduki horiek online eskaintzen jarraituko du Donostia Kultura ON! lan-ildopean.

Pixkanakako deskonfinamenduarekin bat eginez, datorren maiatzaren 10ean amaitutzat emango dugu #DKEtxean etapa hau. Horretarako, gure etxeetatik kontsumitzeko propio sortutako online programazioko parrilla bat sortu dugu. Kultura handiz egingo dugu, astea ikuskizun, kontakizun, ilustrazio, arte, elkarrizketa eta abarrez ondo beteta baitator.

Hauxe da aste honetako parrilla, maiatzaren 4tik 10era bitartekoa.

Bihar, apirilak 30, osteguna, Jazzaren Nazioarteko Eguneko ospakizunekin egingo du bat Donostia Kulturak eta arreta berezia eskainiko dio jazzari eguneko programazioan.

COVID-19 birusak (koronabirusa) eragindako krisiaren ondorioz, bertan behera geratzen dira ekainerako Victoria Eugenia Antzokian programatuta zeuden ikuskizunak.

Kultur etxeetako ikastaroetan izena eman zuten pertsonei euren prestakuntzarekin jarraitzeko aukera eskainiko die Donostia Kulturak online plataformen bidez.

Ezin bestela izan: Dantzaren Nazioarteko Eguna eta Jazzaren Nazioarteko Eguna ospatuz, bi diziplinek Donostia Kulturaren programazio birtuala (#DKEtxean) markatuko dute aste honetan zehar. Eta bereziki apirilaren 29an eta 30ean egingo dute hurrenez hurren, bi ospakizunak betetzen direnean.

Hauxe da aste honetako parrilla, apirilaren 27tik maiatzaren 3ra bitartekoa.

Zuzeneko kontzertuak prestatzeko egonaldi artistikoa egin zuen otsailean Izaro Andrés musikariak Intxaurrondo Kultur Etxean. Era berean, egoitzaren akordioaren baitan topaketa bat egin zuen Lauaizeta ikastetxeko ikasleekin. Horren berri emateko bideoa prestatu du Donostia Kulturak.

#DKEtxean programazioaren laugarren astean, eduki kultural berriekin itzuliko gara, Donostia Kulturaren agenda birtual honetarako artistek eta tokiko sortzaileek ex profeso sortutakoak. Liburuaren Nazioarteko Egunaren ospakizunak markatuta dator astea, eta, beraz, programazio berezia izango du datorren ostegunean, apirilaren 23an, #DKEtxean agendaren eduki berrietan ere eragina izango duena.

Hauxe da apirilaren 20tik 26ra bitarteko parrilla.