Sarrerak
San Sebastián, ciudad de la cultura

Berriak

2021eko Dantza Sueltoko Txapelketarako izen-ematea zabalik

Dantza sueltoko Donostian

Donostiako Dantza Sueltoko Txapelketan parte hartzeko izen-emateko epea zabalik dago eta abuztuaren 23an, astelehena, eguerdiko 13:30ean bukatuko da.

Jarraitu irakurtzen

Musika Hamabostaldiak Xabier Erkiziaren soinu lan bat eman dio dohaintzan San Telmo Museoari

San Telmo Museoak eta Musika Hamabostaldiak hitzarmen bat sinatu dute, jaialdiaren programazioaren baitan museoan musika-jarduerak antolatzeko lankidetza ezartzeko eta bideratzeko. Urtero San Telmo Museoan eskainiko den kontzertu, hitzaldi edo bestelako jarduera sorta adostuko da, kultur sustapena bultzatzeko, udako eskaintza aberasteko eta artista gazteei laguntzeko. Gainera, hitzarmenean jasotzen denez, urtero, jaialdiak obra baten dohaintza egingo dio museoari, aldez aurretik adostuta, eta bere bildumaren parte izatera pasako dena.

Jarraitu irakurtzen

Jazzaldiaren barruan, Jazzeñe2021 kontzertuak astean zehar Victoria Eugenian

Jazzeñe2021

Zortzi talderen lau kontzertuk osatzen dute JazzEñeren VII. edizioa, SGAE Fundazioak Jazzaldiarekin batera antolatutakoa. Uztailaren 22tik 25era, eguerdiko 12:30etatik aurrera, Victoria Eugenia Antzokian.

Jarraitu irakurtzen

Aurtengo udan Donostian arte garaikideaz gozatzeko proposamenak

Donostian arte garaikideaz gozatzeko proposamenak

Aurtengo udan, Cristina Iglesiasek Santa Klara uharteko itsasargian sortutako Hondalea zabaltzearekin batera, arte garaikidearekin lotura duten beste proposamen interesgarriak aurkitu daitezke Donostian.

Jarraitu irakurtzen

Pedro Rodríguezen Donostiako joskintza etxeari eginiko omenaldia

Una muchachita de Valladolid. Pedro Rodríguezen diseinua

Uztailaren 23tik irailaren 21era, Okendo Kultur Etxeak Frantzia pasealekua 2. zenbakia. Pedro Rodríguez moda-erakusketa hartuko du, Espainiako goi-mailako joskintzaren diseinatzaile handienetako baten Donostiako joskintza-etxeari egindako omenaldia.

Jarraitu irakurtzen

Iker Vicente, Mikel Larrañaga, Eneko Otaño, Aitzol Atutxa eta Jon Rekondo Urrezko Koparako sailkatuak

Aizkolari sailkatuak

Iker Vicente nafarrak irabazi du gaur, uztailak 10, Trinitate plazan 19:30ean egindako Urrezko Koparen sailkapen-proba. Horrekin batera, hona hemen Urrezko Koparen finalean parte hartuko duten lau aizkolariak: Mikel Larrañaga, Eneko Otaño, Aitzol Atutxa eta Jon Rekondo

Jarraitu irakurtzen

Rafael Berrioren omenezko "Rafa in memoriam" kontzertua emango du ETB1ek uztailaren 10ean

Yo ya me entiendo, Rafael Berrioren paradoxak

2020ko martxoaren 31n hil zen Rafael Berrio musikari donostiarra. Haren omenez ziklo bat antolatu zuen lagun talde batek Donostia Kulturarekin batera. Jarduera nagusiak Ernest Lluch Kultur Etxean egin ziren, erakusketa bat barne, eta itxiera Victoria Eugenia Antzokian izan zen 2021eko maiatzaren 19 eta 20an. Ez dira ahaztekoak ere lagunek Donostiako hainbat taberna eta gunetan antolatutako ekitaldiak.

Jarraitu irakurtzen

XII. Poltsiko Antzerki Sorkuntzaren deialdian parte hartzeko epea zabalik

 XII. Poltsiko Antzerki Sorkuntzaren deialdia

Poltsiko Antzerkiaren alorrean euskarazko sorkuntzak bultzatzeko XII. proiektu deialdia jarri da martxan. Proiektuak aurkezteko epea 2021eko uztailaren 5ean abiatu eta irailaren 17an amaituko da. Bi sari emango dira: irabazleak 1.500 euro jasoko ditu; finalistak, berriz, 1.200 euro. Saritutako lanak hurrengo Poltsiko Antzerki Jaialdiaren barruan estreinatzeko eta antzezteko konpromisoa hartuko dute irabazleek eta finalistek (4 emanaldi bakoitzak).

Jarraitu irakurtzen

Ezbaikaria mintegia burutuko da uztailaren 7tik 10era San Telmo Museoan eta Tabakaleran

Mintegi hau Tabakaleratik bultzaturiko Komunikazio-Inkomunikazio erakusketaren aterkipean egin da. Erakusketak Mikel Laboa (1934-2008) euskal kantautorearen Lekeitioak lana du oinarri, eta lan esparru ezberdinen gurutzaketa proposatzen du, komunikazio-inkomunikazio binomiotik abiatuta. Izan ere, herri kultura eta abangoardien arteko banaketa gainditu eta iraupen luze eta askotarikoak diren kezka formal eta bihurketak azalarazten dituzten artefaktuak baitira Lekeitioak: tradizioaren eta tradukzioaren arteko jolasa, soinu- eta musika-erregistro askoren arteko nahasketa (muntaiaren gisako abangoardiako prozeduren bidez), edo hizkuntzaren eta keinuen bihurduren azterketa.

Jarraitu irakurtzen

Udako zerbitzu eta jarduerak liburutegietan: Urgullekoa uztaila eta abuztuan zabalik

Urgull

Udako hilabeteetan Donostia Kulturako liburutegiek zerbitzu berriak eskainiko dituzte. Uztailaren 1ean, Urgulleko liburutegia zabalduko da. Bestalde, Intxaurrondo Kultur Etxeko liburutegia zabalik egongo da abuztu osoan zehar  astelehenetik ostiralera goizeko ordutegian.

Jarraitu irakurtzen