Berriak

Gaur, uztailak 9, idazle gazteei zuzendutako Donostia Kultura III. Poesia Lehiaketako obra garailea aurkeztu da. Hain zuzen ere, Lizar Begoña idazlearen Aro beilegia.

Gaur, uztailak 8, aurkeztu dugu abuztuko eta iraileko programazioa. Sarrerak salgai daude jada gure online kanalean (Donostia Kultura sarrerak: antzerkia) eta Victoria Eugeniako txarteldegian (11:30-13:30 / 17:00-20:00). Antzoki Zaharreko leihatila uztailaren 27an zabalduko da, aipatu ordutegian.

Eulia Leyre Ruiz de Alegríak COVID-19aren itxialdiaren 0 fasean sortutako ikus-entzunezko proiektu koreografikoa da. Katherine Mandsfield idazlearen izen bereko kontakizunean dago oinarritua. Lana Luisa Etxenikek Ernest Lluch Kultur Etxean ematen duen Idazketa sortzailea izeneko tailerrarekin batera garatu da.

Uztailaren 9an eta 16an bisita gidatu bana egingo ditu Juan Luis Goenagak Atzera begirako poetika. Antton Elizegi Argazki Bilduma erakusketara.

Gaur, uztailak 3, Donostiako Liburu Azokaren aurkezpena egin da. Azokaren gunea liburu eta disko salmentarekin gaur bertan hasi da Gipuzkoa plazan eta zabalik egongo da uztailaren 12a arte. Azokaren ordutegia: goizez 11:00-13:30 eta arratsaldez: 16:30-20:00. Ordutegia aldatzeko eskumena du Liburu Azoken Batzordeak.

Berriz ere jarrita daude Aquariumeko antzinako sarrera ondoko bi kanoiak. Atzo goizean, iaz kureñaren egoera txarragatik erretiratutako kanoia berriro ipini dute, kanpoko baldintzak pairatzeko sendoagoa den kureña berriarekin.

Kukai Dantza taldeak eta Sharon Fridman koreografoak sortutako Erritu ikuskizuna programatu du San Telmo Museoak uztailaren 9an, 10ean eta 12an. Museoko elizan egingo dira emanaldiak, 9an 20:00etan, 10ean 20:00etan eta 12an 19:00etan hasita. Sarrerak salgai daude jadanik, 15 eurotan.

Zabaldu dugu San Telmo Museoko denda, sarreraren ondoan dagoen aretoan kokatua. Orain arte katalogoak eta kartelak izan dira nagusiki salgai museoan, eta joan den asteaz geroztik aukera hori zabalagoa da, museoko bilduman oinarria duten objektu ezberdinak baitaude.

Donostia Kulturak uda honetan haurrei eta familiei zuzendutako jarduera berri bat sortu du. Irakurzaletasuna bultzatzeko xedearekin, astelehenetik ostiralera goizeko 10:00etan Ipuinaren Ordua euskaraz modu birtualean eskainiko da. Lur Kortak gidatzen duen taldeak egitarau erakargarri bat prestatu du eta Donostiako ondare historiko artistikoa ezagutarazi nahian grabazioak hainbat toki esanguratsutan egin dira. Saioak Donostia Kulturak Youtube-n duen kanaletik emitituko dira eta ipuinekin batera jolasak eta sariak antolatuko dira parte hartzaileentzat. Ostiraletako kontaketak zeinu hizkuntzan izango dira.

Aurtengo udan zehar San Telmo Museoa eta Chillida Leku bisitatzeko eskaintza berezia prestatu dugu bi guneok.