Berriak

2019ko ekainaren 22tik irailaren 29ra, San Telmo Museoak Hello, Robot. Diseinua gizakiaren eta makinaren artean erakusketa eskainiko du, lehen aldiz robotikaren egungo booma xeheki aztertuko duena. Erakusketa hau Vitra Design Museum, Mak Vienna eta Desing Museum Gent museoena da. San Telmo Museoan, Kutxa Fundazioa da babesle berezia.

Albiste honetan Donostia Kulturako guneen udako ordutegiak bildu ditugu. Kontrakoa esaten ez den bitartean, ordutegi hori ekainaren 24tik irailaren 8ra izango da, biak barne.

San Joan bezpera dela eta, gaur, ekainaren 20an, Jon Insausti zinegotziak, gure hirian ospatuko diren jarduerak aurkeztu ditu.

Hain zuzen ere, datorren igandean, ekainaren 23an, eguerdiko 12:15ean eta arratsaldeko 19:00etan Konstituzio plazan ospatuko diren zuhaitzaren ezarpena eta Agintarien Esku Dantza aurkeztu ditu; era berean, gure hiriko auzo desberdinetan piztuko diren San Joan suen aurkezpena egin du.

Donostia Kulturako liburuzainek udan irakurtzeko liburuen gomendio gida berri bat prestatu dute. 2018an argitaratuak izan ziren liburuen artean 113 izenburu aukeratu dira, 56 euskaraz idatziak eta beste 57 gaztelaniaz idatziak.

Abuztuaren 31ra arte San Telmo Museoko gastro-kultura gunean (harreraren eta kafetegiaren artean) egongo dira ikusgai, HAU, Euskal Herriko objektu tradizionalen lehiaketaren hirugarren edizioko lan nabarmenenak. Tartean, ZURA proiektu irabazlea.

Udako hilabeteetan Donostia Kulturako liburutegiek zerbitzu berriak eskaintzen dituzte. Joan den larunbatean, ekainak 15, Eguzkiteka (Kontxa hondartzako liburutegia) zabaldu zen eta uztailaren 1ean, berriz, Urgulleko liburutegia. Bestalde, Intxaurrondo Kultur Etxeko liburutegia zabalik egongo da abuztu osoan astelehenetik ostiralera goizeko ordutegian. Donostia Kulturak Moyua enpresarekin duen hitzarmena berritu du udako liburutegien eskaintza hobetzeko eta orohar liburutegietan irakurketa sustatzeko.

Larunbatean ekainak 29, 19:00etan, Victoria Eugenia Antzokian, Elkano, lehen mundu bira filmaren aurre-estreinaldia izango da. Dibulitoon Studiok, Elkanogroupek eta Donostia Kulturak aurkeztuko dute animaziozko film luzearen proiekzio berezi hau. Dibulitoon Studio ekoiztutako filma estreinatuko da uztailaren 5ean. Filmaxek eta Barton Filmsek banatuko dute filma.

Donostiako Fantasiazko eta Beldurrezko Zinemaren Asteak bat egin du B the travel brandek eta Fundación Academia de Cinek antolatutako Bidaiako Zinema Zikloarekin, eta hor kokatzen da hurrengo ekainaren 24an 19:00etan egingo dugun Victoria Eugenia Antzokian Superlópezen emanaldia.

Ibon Aranberrik, Museo Bikoitza proiektuaren lehen edizioan aritu den artistak, bere lanaren emaitza aurkeztu du San Telmo Museoan: Itzal marra. Obra gaurtik, ekainak 11, aurrera egongo da ikusgai museoan.

Ekainaren 10ean Donostiako Fantasiazko eta Beldurrezko Zinemaren 30. Astean lanak aurkezteko epea irekiko da. Aurtengo jaialdia urriaren 26 eta azaroaren 1a bitartean egingo da. Izena emateko azken eguna abuztuaren 15a izango da.