Berriak

2022ko Haur Danborradako Danbor Nagusia ORIXE IKASTOLAko ikasleen artean aukeratuko da, bere txanda baitzen. Horrela berretsi da gaur arratsaldean Udaletxeko udalbatza Aretoan, arratsaldeko 6retan, izandako haur danborradaren bileran. 

Donostia Kulturak salgai aterako du bihar neguko aurrerapen bat. Guztira, 12 ikuskizun izango dira (8 kontzertu, bi antzezlan eta dantza eta magia ikuskizun bana) Victoria Eugenia Antzokian, Antzoki Zaharrean, Egiako Gazteszenan eta Lugaritzeko Imanol Larzabal aretoan emango direnak datorren urteko urtarrilean. 

Manuel Sanjulián ilustratzaile bartzelonarrak gaur goizean bisitatu du Donostiako Fantasiazko eta Beldurrezko Zinemaren 32. Asteak eskaini dion erakusketa, joan den irailaren 27an inauguratua Okendo KEn.

Donostiako Fantasiazko eta Beldurrezko Zinemaren 32. Asteak eta Madrilgo Kulturaren Institutu Poloniarrak, Polish Film Institute eta Tabakalerarekin lankidetzan, proiekzioen ziklo bat antolatu dute zientzia-fikziozko idazle Stanisław Lem poloniarrari eskainia, jaio zenetik ehun urte bete direnean, aurten.

Donostian, urriaren 31tik azaroaren 2ra, Tabakaleran proiektatuko diren filmak hauek dira: El hospital de la transfiguración (1978) eta El test del piloto Pirx (1978) film luzeak, eta bost film laburren saio bat. Jesús Palacios eta Begoña del Teso izango dira bertan saio horien aurkezpenak egiten.

Azaroaren 3an eta 4an, San Telmo Museoan, Emakume Idazleen Mundu bat, XXXIII Nazioarteko Literatura Topaketa, egingo da. Luisa Etxenikek koordinatzen duen jaialdi honetan Anna Moï eta Tatiana Tibuleac egileek parte hartuko dute. Ekitaldiak iluntzeko 19:00etan hasiko dira. Doako sarrera librea izango dute edukiera bete arte.

Fantasiazko eta Beldurrezko Zinemaren Asteko Euskadi Fantastikoa 17: asisKo – Sugarren mende: ehizakiak, sorgin? erakusketa irekita egongo da urriak 29tik azaroak 20ra Udal Liburutegi Nagusian (Alderdi Eder).

Fantasiazko eta Beldurrezko Zinemaren Asteko Batman: El mundo – Paco Rocaren originalak erakusketa irekita egongo da urriak 25etik azaroak 30era FNAC Donostian.

Isla Calavera – Festival de Cine Fantástico de Canarias elkartu da ekimen honetan Donostiako Beldurrezko Astea, Fancine Málaga eta TerrorMolins zinemaldiekin.

Donostia San Sebastian Festak unitateak 2022ko Inauteriak iragartzeko kartela aukeratzeko lehiaketa deitu du. Lanak aurkezteko epea 2022ko azaroaren 16an bukatuko da.

2021eko Literaktum Txikia ere betea dator aurten ere: antzezlanak Donostiako hainbat kultur etxetan, Haurren Eskubideen egunaren ospakizuna, Harry Potterren inguruko ilustrazio lehiaketa, ipuin kontalariak eta tailerrak. Badugu gonbidatu berri bat ere: Xagutxo Gaztaberria, etxeko txikienei haur udal liburutegiak historiotxo baten bitartez aurkeztuko dizkien pertsonaia berria.

Txikientzako jarduerak azaroaren 2an hasi eta 21ean amaituko dira.