Sarrerak
San Sebastián, ciudad de la cultura

Kontxako Bandera

regatas

Donostiako estropadak urtero egiten dira iraileko lehen bi igandetan Kontxako badian. Lehen igandearen aurreko ostegunean, Kantauri itsasoko ertz osoko traineruek –24 arte– lehiatzen dute denboraldiko estropada ospetsuenean parte hartzeko jokoan dauden zazpi plazetako bat eskuratzeko. 2021eko edizioan, Kontxako bandera egingo da, baina beste modu batera, COVID 19ren ondorioz; bi sailkatze-estropada izango dira, irailaren 1ean emakumezkoen modalitatea eta irailaren 2an, gizonezkoena, eta beste bi jardunaldiak irailaren 5ean eta 12an ospatuko dira.

2021eko Kontxako Banderaren edizioa edukiera mugatua eta segurtasun neurri handienekin egingo da, COVID-19ak eragindako osasun egoeraren ondorioz. Guztira, 44 ontzi lehiatuko dira plaza bat lortzeko, gizonezkoen eta emakumezkoen modalitateetako bi txandetan. Estropada honetan antolamendu-aldaketak egingo dira, eskatzen diren osasun-neurriak betetzen direla bermatzeko.

2021eko Kartela

CARTELREGATAS

Egilea: LANCE & MALONE

Sortzaileen hitzetan "aurtengo estropaden kartela hiria eta bere sinbologia irudikatzeko aukera paregabea da guretzat. Konstituzio Plaza, hasieratik gustatu zitzaigun, Kontxako banderaren eszenatoki bezala, bere jai-esanahiagatik eta bere arkitektura bereizgarriagatik. Leku ezin hobea hiria eta badia urtzeko eta estropaden amaiera errepikaezina irudikatzeko."

Lance eta Malone Donostiako Alde Zaharrean arteari eskainitako gune bat sortzeko elkartu diren bi lagun donostiar dira. Handik, Mikel Casal, Rosco eta Roskow artistekin batera, collage, argazki eta ilustrazio moduan sortu eta eskaintzen dituzte beren lanak. Surfa, musika eta zinema dira gehien inspiratzen dituzten gaietako batzuk. Eskola berriko sormena, retro estilokoa, eta bere lanetan Donostia oso presente duena.

Lance argazkilaritzaren mundutik dator eta garai analogikoetatik gaur egungo aro digitalerako bidea egin du. Prozesu horretan, leku askotan ibili da era guztietako lanak egiten: erretratuak, kaleko argazkiak, zuri-beltzak, arkitektura, musika eta surf asko (ur barruan eta kanpoan). Gaur egun, argazkia, collagea eta pintura uztartzen ditu.

Malone webgunearen, bideoaren eta argazki-ukituen munduan mugitzen da, baina surfa da bere pasio nagusia. Gaur egun, 3D collage-ei eskainia dago bete-betean, baina Lancerekin ere kolaboratzen du bere lanen batean. Proiektu honetan bere zeregina sorkuntzaren zatirik digitalena ematea da, eta bere esperientzia ezin hobeto uztartzen du Lanceren prestakuntza analogikoarekin.

2021eko Kontxako Bandera: Oinarriak

2021eko Kontxako Banderaren sailkatze-estropada: Parte-hartzaileak

2021eko Kontxako Banderaren sailkatze-estropada: Taldeak

2021eko Kontxako Bandera: Estropada Eremuen Planoak

2021eko Kontxako Bandera: Sailkatze-estropadaren denborak eta irteera ordena

2021eko Kontxako Bandera: Lehenengo Jardunaldiaren denborak eta txandak

2021eko Kontxako Bandera: Bigarren Jardunaldiaren denborak

2021eko kartela
Festak

Agortuta
Kontxako Badia
Iraila 12