Kantu herrikoiak barnetik (Aurreratua) Thierry Biscary

Thierry Biscary, abeslaria eta ekoizlea. Kalakan taldean partaide izandakoa, 2002an Ipar Euskal Herriko eskoletan hasi zen musika ikastaldiak ematen. Lan horri esker ohartzen da transmisioaren garrantziaz: kantua, txalaparta, edo joaldunen teknikak. Unibertso ezberdin bezain aberasgarri horietan lan eginez, beti oinarrizko abiapuntura itzuliko da: musika herrikoia eta bereziki ahots hutsezko kantua, soila edo polifonikoa.2018an bere lehen lana Manez eta Kobreak plazaratu ondoren, 2020an, bere bigarren albuma, Muda, argitaratu zuen. Bestalde musika eta kantu tailerrak Gipuzkoan eskaintzen ditu. Azkenik, Kalapita produkzioak enpresarekin, ekoizpen lanak egiten ditu Euskal Herriko beste artista batzuentzat.

Helburuak

• Kantu herrikoiak ikasi eta interpretatu
• Zergatik eta zertarako kantatzen dut. Kantu herrikoia nori, noiz eta nola eman.
• Kantaldi bat elkarren artean preparatu.
• Hastapeneko ikastaroan landutakoa sakondu.

Nori zuzendua Kantarieri zuzendua eta ikastaroaren hastapen mailan aritutakoak

Egitaraua

Parte hartzaileen helburuak eta nahikeriak zehaztu. Kantu herrikoiak kantatu

Parte hartzaileek ekarritako kantuak entzun, kantatu eta batzuk ikasi

Kantuen interpretazioa. Letren erran nahiak aipatu eta hitzekin nola jolasten ahal den

Kantugintza munduan zehar. Kantuak entzun eta ariketa batzuk egin

Non kantatzen dut. Kantuaren espazioak zehaztu eta espazio ezberdinetan kantatu

Nori kantatzen diot. Kantuen hautaketa zehaztu, ariketak eta jolasak

Kantu bat nola egina da. Doinu bat nola inprobisatu, kantu bat sortu,

Kantaldi bat preparatu parte hartzaile bakoitzak ekarritako kantuekin