Korrontzi 20 urte - 20 kantu - 20 kolaboratzaile

2024an Korrontzik 20 urte beteko ditu eta, data garrantzitsu hau ospatzeko, sorpresaz betetako lan berri bat prestatu du taldeak: Korrontzi 20, bere hamabigarren diskoa. Asmo handiko proiektua da, eta taldeak Luis Peixoto ekoizle portugaldarraren laguntza izan du taldearen errepertorioko ezinbesteko kantuetako batzuk bertsionatzeko garaian, baita beste berri batzuk ekoizteko ere .

Guztira 20 abesti, 20 kolaboratzailerekin. Horien artean: Phil Cunningham (Eskozia), Michael McGoldrick (Erresuma Batua), Luar Na Lubre (Galizia), Iñigo ETS, Alex Gatibu eta Gozategi (Euskal Herria) bezalako izenak aurkituko ditugu beste ezuste atsegin batzuen artean.