Hizkuntzak
25. Mikologia jardunaldiak irail hasieratik Loiolan
Loiolako Mikologia jardunaldiek 25. edizioa beteko dute aurten eta hainbat hitzordu izango dira irailaren 9tik urriaren 6ra Loiolatarra Kirol Elkartearekin batera antolatutako egitarauan: mikologia ikastaroa eta tailerra, hitzaldiak, liburu aurkezpenak, bazkari mikologikoa, egurrezko eskulturen erakustaldia, perretxiko jaia eta erakusketa bat.
Honakoa izango da datozen asteetan zehar egongo den programazioa:
Irailak 9-urriak 6: erakusketa
Daniel Palacios mikologoaren lan eta marrazkiak.
Loiola Kultur Etxea.
Irailak 12: jardunaldien aurkezpena
Loiolatarra Kirol Elkartea, 11:30.
Irailak 23-urriak 2: mikologia ikastaroa
Hastapena, oinarrizkoa: sailkapena, generoa eta espezieak.
Irakaslea: Daniel Palacios.
Material didaktikoa: Disfrutando con las setas liburua.
Izen-ematea irailaren 9an abiatuko da, arratsaldeko 16:00etan: Loiola Kultur Etxean edo 943 454 605 telefonoan.
Prezioa: 20 € + 28 € material didaktikoa.
Datak: Irailak 23, 24, 25, 26, 27 eta 30 eta urriak 1 eta 2. Loiola Kultur Etxea, 19:00-20:30. Irailaren 28an, larunbata, mendi irteera didaktikoa.
Informazio gehiago: loiolatarra.org.
Irailak 29: liburu aurkezpena, bazkari mikologikoa eta erakustaldia
Motozerraz egindako egurrezko eskulturen erakustaldia goizeko 11:00etan izango da Latsari plazan, Mikel Lasarte artistaren eskutik.
Klubeko mikologia batzordeko kide diren Patxi Lago eta Txus Orcajok idatzitako perretxiku errezeten liburuaren aurkezpena: Del bosque a la cocina. Liburu honen lehen argitalpenaren salmentarekin lortutako etekin erdiak Zaporeak elkartearentzat izango dira.
Loiolatarra Kirol Elkartea, 13:30. Bazkaria 14:00etan elkartean bertan.
Urriak 3: hitzaldia
Novedades taxonómicas para la micobiota ibérica, Gabriel Moreno Horcajadaren eskutik. Doktorea da eta Biologia Begetala saileko Botanika katedraduna.
Loiola Kultur Etxea, 19:00.
Urriak 4: tailerra
Sukaldaritza mikologikoari buruzko tailerra.
Irakasleak: Patxi Lago eta Txus Orcajo.
Loiolatarra Kirol Elkartea, 19:00. Ez da izenik eman behar. Sarrera librea.
Urriak 5: perretxiko bilketa
Mendian jasotako perretxikoen bilketa eta sailkapena hurrengo eguneko jaialdiaren ingurumarian.
Partehartzaileen artean sariak banatuko dira.
Loiolatarra Kirol Elkartea, 9:00-18:00.
Urriak 6: Perretxiko Jaia eta itxiera
10:30 Erakusketa.
11:00 Haurrentzako marrazki tailerra Javier Espigaresekin.
12:00 Perretxiku erakusketaren bisita gidatua.
13:00 Erakusketako ekarpen-mikologiko onenen sari banaketa.
14:30 Itxiera.
Pintxo mikologikoaren ibilbidea: goizean zehar, auzoko tabernek perretxiku-pintxoak eskainiko dituzte.
Latsari plaza, 10:30-14:30.
