Albisteak eta oharrak

Aste Nagusia 2023ren harira (abuztuak 12-19, biak barne), Donostia / San Sebastián Festak-ek deialdi bat luzatzen du bereziki edariak salduko dituzten gehienez 4 food truck jartzeko gunea - Saguesen - eskainiz. Ferian parte hartzeko eskaera egin dezakete kalean elikagaiak egin, saldu eta/edo sustatzen dituzten pertsona fisikoek zein juridikoek, food truck delakoak erabiltzen badituzte horretarako.

Donostia Kulturaren 2022ko memoria osoa, eskuragarri dago jada. Urtarrilean balantzea aurkeztu zen eta oraingoan memoria osoa. 

Donostia San Sebastian Festak unitateak 2023ko Aste Nagusia, Estropadak eta Euskal Jaiak iragartzeko kartelak aukeratzeko lehiaketak deitu ditu. Lanak aurkezteko epea 2023ko martxoaren 31n bukatuko da.

Laugarren urtez jarraian, Inauterietako Sari Nagusia Eureka konpartsarentzako izan da "Memorias de África" gaiarekin. Bestalde, 2023ko Umorearen Sari Nagusia hiru konpartsek partekatzen dute: Bóveda Gazte Elkartea "A ze Banda!" gaiarekin, Furius “Carnaval Vegetal” aukeratu zuen gaiarekin eta azkenik Showtime “Marisol” gaiarekin. Urnietako Oianume jatetxean atzo, otsailak 24, egindako afarian banatu ziren sariak.

Otsailaren 22ko batzar nagusian bilduta, 2023 Donostiako Inauterietako Konpartsek erabaki dute Urrezko Sardinaren saria ematea Expocasión enpresari, azken urteotan inauterietako karrozetako ibilgailu traktoreen lagapen desinteresatuagatik. Latorrizko Arrain Hezurra hutsik geratu da