Albisteak

Gaur goizean Gipuzkoa plazan egin den Aste Nagusiko XVI. Marmitako-lehiaketan, Rosa Mari San Josék eta Rafael Diazek osatutako bikote irundarrak "Erlaitz" taldeko beste 17 bikoteei irabazi die.

Pirotecnia Valencianak Donostiako Su Artifizialen Nazioarteko 58. Lehiaketako Urrezko Maskorra lortu du.

Gastronomiazko Euskal Anaiartearen Kofradiaren, Eroskiren eta Donostiako udaleko Osasu Publikoaren atalaren laguntzarekin, Donostia San Sebastián Festak-ek antolatutako "Familia Sukaldatzen" II. Gastronomia-Lehiaketa jokatu da gaur arratsaldean Gipuzkoa plazan. Donostiako Murillo-Nebreda familiak, "Zanpaletarrak" taldeak, garaipena lortu du. Taldea Aitorrek, Mariak eta Dunixe eta Arhane alabek osatzen zuten.

Gaur arratsaldean Miguel Ángel Fernández-en oroimenezko XXVIII. Arrantza Lehiaketa ospatu da 2023ko Aste Nagusiko programazioaren barruan. Iker Galarraga izan da haurren kategoriako irabazlea (15 urte baino gutxiago); guztira, 2356 gramoko harrapaketa izan du; Ikerrek, berriz, pisu handieneko pieza ere kobratu du: 906 gramoko korrokoia.

Gaur arratsaldean Aitzol parkean VI. Aste Nagusia Arkume-menestra lehiaketan parte hartu duten 12 bikoteetatik, epaimahaiak erabaki du lehen saria ematea Ibón Sarasola Monzón-k eta Pernas Gleig-ek osatutako donostiar bikoteari.