Albisteak

Donostia San Sebastian Festak unitateak 2024ko Donostiako Inauteriak iragartzeko kartela aukeratzeko lehiaketa deitu du. Lanak aurkezteko epea 2023ko azaroaren 3an bukatuko da.

Svitlana Omelyanenko Pustovitek irabazi du 2023ko Aste Nagusiko Su Artifizialen VII. Argazki Lehiaketa. Ohi denez, "Erreflexuak" izeneko argazkia, 1.000€ko saria eskuratzeaz gain, 2024ko Su Artifizialen Nazioarteko Lehiaketa iragarriko duen kartelaren irudia izango da. Lehiaketara 35 lehiakideren 87 argazki aurkeztu ziren.

Gaur eguerdian, Bokado jatetxean, 2023ko Donostiako Estropadetan denborarik onena lortu duten bi traineru gipuzkoarrei (bai emakumezkoen modalitatean bai gizonezkoenean) VIII. ADEGI Kultura Berria Saria eman zaie.

Bermeo Urdaibai bigarren jardunaldiko estropadan eta bi egunetako kopuru orokorrean gailendu da eta, beraz, aurtengo Kontxako Bandera Bizkaiko lurretara joan da. Bermeokoek 19:09,74n gelditu dute erlojua gaurko egunean, eta garaipena orokorra lortu dute 38:30,66 denborarekin.

Emakumezkoen 2023ko Kontxako Bandera etxean gelditu da. Donostia Arraun Lagunak taldeko arraunlariek, aurtengo edizioan garaipena lortzeaz gain, 2021etik, bi jardunaldietan, eurek zuten denbora ere hobetu dute. 21:01,14ko denbora ezarri dute aurtengo bi jardunaldietan, eta aurrekoa – 21:05,18 - lau segundotan hobetu dute.