Erreka ondoan, bi gezur Mari Zaunka

Nerea Gurrutxaga eta Oihana Vesga dantzari eta sortzaileek osatzen duten kolektiboa da Mari Zaunka.

Obrak dantza, ahotsa eta testua uztartzen ditu, eta kondaira du sormen prozesuaren abiapuntu eta kokaleku. Literatur genero epiko hau, pertsonaia fantastikoak eta naturaz gaindikoak dituena, eta maiz ezaugarri historikoak dituena, da obraren oinarria. Emanaldian, fikziozko elementuez gain, gizarteko errealitate zuzenetik hartutako elementuak daude, egungo narratibak edo egiak fantasiazko istorioarekin kutsatu eta transformaturik. Lanak transformazio bidai batean barneratzen gaitu.