Rebels of the Neon God Qing shao nian nuo zha, 1992

• Taiwan.
• Zuzendaritza: Tsai Ming-liang.
• Ekoizpena: Hsu Li-kong, Jiang Feng-chyt / Central Motion Pictures.
• Gidoia: Tsai Ming-liang.
• Argazkia: Liao Pen-jung.
• Musika: Huang Shu-jun.
• Muntaketa: Wang Chi-yang.
• Aktoreak: Lee Kang-sheng, Chen Chao-jung, Wang Yu-wen, Jen Chang-bin, Miao Tian.

Hsiao Kang gaztea, bitxia eta barnerakoia, gurasoekin bizi den herrixka utzi eta Taipei liluragarrira joaten da. Han, hiriko kaleetara eta bertako makina-aretoetara eramaten du bizitzak. Laster, alderrai ibiltze horretan eta halabeharrez, bikote batekin egingo du topo; Ah Tze, delikuente gaztea, eta Ah Kuei, izotz gaineko patinaje-pista batean lan egiten duena. Hortik aurrera erabat elkarlotuta egongo da hiruen bizitza. Tsai Ming-liangek zuzendutako lehenengo film luzea, Taiwango zinemaren “bigarren olatuko” zinemagile gailenetakoak, The River (1997), The Wayward Cloud (2005) eta Days (2020) filmen zuzendariak.