Paperean jarriko du arreta San Telmoren eta Kutxaren argazkien kontserbazioaren inguruko ikastaroak

San Telmo Museoak eta Kutxa Fundazioak argazkiak kontserbatzeko ikastaroaren hirugarren edizioa antolatu dute azaroaren 29tik abenduaren 1era. Aurten paperaren gaineko objektu fotografiko historikoak kontserbatzeari buruzko ikastaro teoriko-praktikoa izango da: Fotografías en soporte de papel: identificación, análisis y conservación.

Ikastaroa San Telmo Museoan egingo da eta Rosina Herrera eta Laura Covarsí izango dira irakasleak eta publiko profesionalari zuzenduta egongo da.

• Ikastaroari buruzko informazio gehiago: Fotografías en soporte de papel: identificación, análisis y conservación.

Gainera, ikastaroarekin lotuta, bi saio ireki egongo dira publiko orokorrarentzako.

• Azaroak 28: Cuidado y custodia de archivos familiares; Laura Covarsí, Rosina Herrera
• Abenduak 2: Recuperación y conservación de archivos de mujeres fotógrafas, Silvia Omedes

Argazki-funtsak tratatzeko lan-lerroa

Kutxa Fundazioak eta San Telmo Museoak, 2019an sinatutako lankidetza-hitzarmenaren emaitza da ikastaro hau, aurten hirugarren edizioa duena. Besteak beste, argazki-funtsen tratamenduari buruzko lan-ildoa indartzeko asmoz antolatua dago, izan ere, ondare mota hori pisu handia hartzen ari da azken urteotan, eta ezagutza eta prozesu espezifikoak behar ditu.

Argazkigintza geroz eta garrantzia handiagoa hartzen ari da museoek gordetzen dituzten bildumetan eta programatzen diren erakusketetan. Inguru hurbilean, azpimarratzekoak dira Kutxatekak eta SanTelmo Museoak gordetzen dituzten argazki funtsak. Bi kasuetan, balio dokumental handiko materiala da, ezinbestekoa gure iragana ezagutzeko eta era guztietako alderdiak ilustratzeko: landa garapena, hirikoa, industriala, bizimoduak, paisaia, pertsonaiak, gatazkak...