Hitzaldi zikloa Okendon Gipuzkoako Eskualde Etxeen Federazioarekin batera

Maiatzaren 2an abiatuko da Gipuzkoako Eskualde Etxeen Federazioarekin batera antolatutako hitzaldi zikloa. Jarduera guztiak gaztelaniaz izango dira, Okendo Kultur Etxean, eta arratsaldeko 19:00etan hasiko dira, maiatzeko astearteetan. Aurtengo hizlariak Ander Izagirre, Francisco Javier Díez Morrás, Mikel Marañón Calleja, Carlos Henrique Fernández Coto eta Francisco A. González Redondo.

2023-04-24

Ander Izagirre — CC By SA: Juan G. Andrés

Hona hemen hitzaldiak kronologikoki zerrendatuta:

Maiatzaren 2an, Vuelta al país de Elkano, Ander Izagirre. Duela bostehun urte Elkano Andaluziatik irten eta munduari bira eman bazion, orain Getariatik atera eta Getariara itzuli da Ander Izagirre idazlea, euskaldunen herriari buelta geografiko, historiko eta mentala emateko.
Hilaren 9an, El nacimiento de la provincia de Logroño y la comunidad de la Rioja, Francisco Javier Díez Morrás. Duela berrehun urte Logroño probintzia jaio izana Errioxa garaikidearen eraikuntzan mugarri nagusitzat hartu behar da.
Hilaren 16an, Apellidos en Álava: Mucho más que ocho apellidos vascos, Mikel Marañón Calleja.Arabako abizenen historia eta bilakaera, familia berreraikitzeko metodologia aplikatuz.
Maiatzaren 23an, Galicia es nuestro universo, Carlos Henrique Fernández Coto.Galiziako kultura-ondarea, egungo egoera eta haren berreskurapenaren eta kontserbazioaren garrantzia ezagutzeko ibilbidea.
Azkenik, hilaren 30ean, Leonardo Torres Quevedo: del transbordador del Monte Ulia a las Cataratas del Niágara, Francisco A. González Redondo.