2021-2022: irailaren 6tik aurrera 508 ikastarotan matrikulatzeko aukera

Ikastaroen matrikulazioa 2021eko irailaren 6an (arratsaldeko 16:00etan) hasiko da eta hilaren 26an bukatuko da. Edozein kultur etxetan eta Donostia Kulturaren webgunean egin izan ahalko da. Ikastaroen berri ematen duen egunkaria irailaren 2tik aurrera paperean egongo da eskuragai gure zentroetan.

Eskaintza pdf formatuan daukagu kontsultatzeko moduan eta www.donostiakultura.eus helbidean ematen da bakoitzaren berri. Goian esan bezala, paperean irailaren 2tik aurrera gure guneetan.

Puntu aipagarrienak

2021-2022 kanpainan COVID-19ak eragindako egoerari eskaintza egokitzearekin, eduki beharreko kontuarekin eta Donostia Kulturak hiritarrentzat antolatzen dituen jardueretan izan beharreko erantzunkidetasunarekin lotutako erabakiak hartu dira.

Ikastaroen iraupenari dagokionez, kanpaina honen ezaugarri nagusia da ikastaro orokorretan lau hileko eta ikasturteko osoko eskola-aldiak berreskuratuko direla, 2020-21 ikasturtean hiruhilekoak edo trinkoak izan baitziren.

Era berean, osasun-arauekin uztartzeko zailtasunagatik iazko eskaintzatik kendu behar izan ziren zenbait ikastaroen itzulera azpimarratu nahi da. Ikasturteko bigarren lauhilekoan egingo dira, 2022ko otsailetik ekainera, beti ere osasun baldintzek ahalbidetzen badituzte. Horien artean, Ernest Lluch K.E-ak antolatutako Ardo dastaketa eta Italiako sukaldaritza ikastaroak.

Nolanahi ere, programazioaren diseinuan eta antolaketan kontuan hartu dira unean uneko edukiera-mugak, osasun agintariek eta Donostia Kulturak ezarritako segurtasun- eta higiene-arauen arabera . Edukiera horiek zorrotz errespetatuko dira eta ikasleei gogoraraziko zaizkie COVID-19 gaixotasuna hedatzea saihesteko higiene eta segurtasun neurriak.