The Stalking Moon 1968

• AEB.
• Zuzendaritza: Robert Mulligan.
• Ekoizpena: Alan J. Pakula / National General Pictures, The Stalking Moon Company.
• Gidoia: Alvin Sargent eta Wendell Mayes, Theodore V. Olsenen eleberrian oinarriturik.
• Argazkia: Charles Lang.
• Musika: Fred Karlin.
• Muntaketa: Aaron Stell.
• Aktoreak: Gregory Peck, Eva Marie Saint, Robert Forster, Noland Clay, Russell Thorson, Frank Silvera.

Arizona, 1881. Sam Varnerrek, erretiratu berri den Armadako esploratzaile beteranoak, Sarah Carver emakume zuri bati eta bere seme mestizoari etxera itzultzen lagunduko die, kanpamentu apatxe bateko presoen artean aurkitu ondoren. Bidean, Basati arriskutsua eta odoltsua izango dute atzetik. Aspalditik dabil hura lurraldea suntsitzen, eta badirudi harreman berezia duela Sarah eta bere semearekin. Theodore V. Olsenen nobela homonimoaren moldaketa, Espainian La noche de los gigantes izenez ezagutzen dena.