Silencio Juan Mayorga, Blanca Portillo

Etiketaz jantzita, hots, oso deseroso, dramaturgoa Akademian sartzera doa, nola eta Isiltasuna izeneko hitzaldia eginez. Entzuleak beste akademiko batzuk dira –haiekin dago tranpaldoan–, bai eta beste pertsona batzuk ere –senideak, lagunak, lankideak, agintariak, ezezagunak…–, berari lagun egitera etorriak arratsalde horretan. Bizitzako eta antzerkiko isiltasunaz hitz egitea aukeratu du. Baita gogoan eta gorputzean oihartzun egiten dioten beste antzerki-isiltasunetan barrena bidaiatzea ere.

Ikus-entzuleei bezala, isiltasun horiek aurrez aurre jarriko dizkiote agian bere bizitzakoak. Baliteke une batzuetan isiltzeko tentazioa sentitzea. Baliteke isiltasunak, hitzaldiaren euskarri eta hitzaldiaren ikergai izanik, arriskuan jartzea hitzaldia bera. Baliteke garrantzitsuena, hitzaldia ematen duenarentzat eta hartzen dutenentzat, zera izatea: hitzen gainetik eta azpitik, elkarrekin aditzea isiltasuna.