Prisma Metamorphosis Dance (Iratxe Ansa + Igor Bacovich), entsegu irekia

Metamorphosis Dance konpainiaren koreografoek Iratxe Ansa eta Igor Bacovich gidatuko dute Prisma lanaren entsegu ireki hau.

Kasu honetan, Metamorphosis Dance konpainiaren lanera hurbilduko gaitu. Iratxe Ansa eta Igor Bacovich koreografoek zuzendutako topaketa honetan euren ibilbide artistikoa ezagutu eta hobeto ulertu ahal izango dugu. Beraien sortze prozesura hurbilduko gaitu eta apirilaren 13an Victoria Eugenia Antzokian eskainiko duten Prisma ikuskizunaz modu sakonagoan gozatzeko tresnak eskainiko dizkigu.

Entsegurako sarrera doan izango da. Bi sarrera gehienez pertsona bakoitzeko. Entsegu irekian parte hartzeko nahitaezkoa da erreserba egitea. Plaza-kopurua mugatua da, eta beraz, onarpena izen emate ordenaren arabera izango da.