Glad is the Day #8

Glad is the Day jaialdiak musika aniztasuna ospatuko du Cristina Enea parkean, jatorri ezberdineko talde eta artistez beteko dena.

Agertoki Nagusitik igaroko diren bandak 7 dira eta eskaintza koloretsua bezain jostagarria osatzen dute: La Ola Maldita donostiarren surf rocka, Alcalá Norteren postpunka, Erromintxelak arrasatearren swinga, La Txamaren soinu eklektikoak, Magia Brutaren gainezka egiten duten ereserkiak, Ibil Bediren letra intimoak eta Silverio mexikarraren ikuskizun ohiz kanpokoa.

Banda horiez gain, hip-hopari eta soinu urbanoei lotutako 8 emanaldik dantzan jarriko dute Hondamen Sonikoa: Makeda (Dj), 1111 (Live), Alai (Live), Sara Goxua (Dj), Kalipotxo (Live), Six Sex (Live), Alta (Dj) eta Sofy Suars (Dj) izango dira gazteenak liluratzen dituzten soinu globalen ordezkariak. Gaua iristean eta asteburua luzatu nahi dutenentzat, Le Bukowski eta Dabadaban DJ gehiago egongo dira abesti onenak aukeratzen.

Informazio gehiago: Glad Is The Day #8 jaialdia abuztuaren 4an (albistea).

Agertoki Nagusia:

• 12:00 La Ola Maldita
• 13:20 Erromintxelak
• 14:40 Ibil Bedi
• 16:00 La Txama
• 17:15 Magia Bruta
• 18:30 Alcalá Norte
• 20:00 Silverio

Hondamen Sonikoa:

• 12:00 Makeda (dj)
• 13:15 1111 (live)
• 14:10 Alai (live)
• 14:50 Sara Goxua (dj)
• 16:25 Kalipotxo (live)
• 17:20 Six Sex (live)
• 18:00 Alta (dj)
• 19:30 Sofy Suars (dj)