Lau haizetara J.C. Armental bilduma

J.C. Armental bildumagile donostiarrak bere arte-bildumaren zati esanguratsu bat aurkeztuko dio publikoari lehen aldiz. 25 urte dira "artelan horretan deitzen nauen zerbaitek" euskal arte garaikidea erostera eraman zuela, gaur egun euskal arte garaikidearen oso lagin adierazgarria dena arretaz osatu arte. Horrela, belaunaldi eta teknika desberdinetako artisten lan sortaz gozatu ahal izango dute ikusleek. Artearen lau haizetara irekitako leiho gisa, gure sentsibilitatea akuilatzen duten eta euskal artisten sormen-indarra agerian uzten duten begiradak dira.