Irabazi Arte Aitziber Alonso, Nerea Loiola

Erakusketa honetan, euskarazko lehen komiki digital interaktiboa aurkezten da: EITBren Irabazi Arte!. Aitziber Alonso ilustratzaileak ondu du telesail arrakastatsuan oinarritutako erakusketa. Komikia EITBLab, eduki berrien laborategiak, sortu du; testuak Nerea Loiolak idatzi ditu, eta ilustrazioak Alonsorenak dira.
 
Irabazi Arte! telebistatik haratago doan fenomeno bilakatu da, emakumeen rola kirolean indartzen lagundu duen serie multiplataforma. ETB1eko telebista-emanaldiez gain, EITBren YouTube kanalean eta Go!azen-en aplikazioan eskaintzen da fikzioa. Atal guztiak eta komikia bera eskuragarri daude EITB Nahieran, PRIMERAN eta MAKUSI plataformetan.