Asterix eta Obelix. Jainkoen Egoitza Astérix: Le domaine des dieux, 2014

Zuzendariak: Alexandre Astier, Louis Clichy. Frantzia.

K.A. 50. urtean gaude. Erromatarrek Galia osoa okupatzen dute... Dena? Ez! Galiar menderaezinez beteriko herrixka batek eutsi egiten dio oraindik, eta beti geldiarazten dute inbaditzailea. Egoerak suminduta, taktika aldatzea erabaki du Julio Cesarrek: bere armadak indarrez gailentzeko gai izan ez direnez, zibilizazio erromatar bera arduratuko da galiar barbaroak limurtzeaz. Horretarako, herrixkaren ondoan erromatarrentzako luxuzko egoitza bat eraikitzea aginduko du: Jainkoen Egoitza. Gure lagun galiarrek erromatar diruaren eta erosotasunaren tentazioari aurre egin ahal izango diote? Herrixka erakarpen turistiko soil bihurtuko al da? Asterixek eta Obelixek Zesarren planak zapuzteko gogor saiatu beharko dute.

Informazio gehiago Filmaffinity webgunean: Asterix eta Obelix. Jainkoen Egoitza.